نصائح أبلة فاهيتا للتعامل مع أزمة كورونا
انطلقت أولى حلقات برنامج أبلة فاهيتا “لايف من الدوبلكس”، اليوم الخميس، عبر شاشة قناة ON.
تناولت “فاهيتا” أزمة كورونا بطريقة ساخرة، إذ وجهت عدد من النصائح للمشاهدين، للتعامل مع الأزمة، وهي:
1- “متنزليش الشارع غير للضرورة القصوى.. لو شبشبك وقع من البلكونة أو جوزك انتحر”.
2- “مش هقولك 3 وجبات أنا عارفة الكوارنتينا يحب اللمة، بس متزوديش عن 5 عشان لو ربنا كتب وفي مصيف في 2022 تلحقي تخسي”.
3- “الماسك بيتلبس مرة واحدة وبيترمي مش بيتغسل ويتغلي مع الغيارات”.
4- “استفيدوا بالوقت واتعلموا حاجة أونلاين.. ندى بسيوني عاملة كورسات تنويم مغناطيسي تحفة”.
5- “اطلعي من جروب الماميز، وتاخدي العيال من المدرسة دي وأنتي خارجة في إيدك مش ناقصين رعب”.
6- “لكل المتجوزين.. معلش نستحمل بعض اليومين دول، المأذون إجازة والمحاكم قافلة”.
من المقرر أن يُعرض برنامج “أبلة فاهيتا”، يومي الخميس والجمعة من كل أسبوع، عبر قناة ON، في الـ 11 مساءًا.
نرشح لك: أبلة فاهيتا بدون جمهور بسبب كورونا