نشوى مصطفى تهاجم ميار الببلاوي: حرام عليكي

هاجمت الفنانة نشوى مصطفى، زميلتها الفنانة المعتزلة ميار الببلاوي، عقب نشر الأخيرة لصورة الفنانة دينا وانتقادها لحرص الفنانين على تصوير مسلسلات رمضان، وأنهم يلهون الناس بها عن ذكر الله. نشوى مصطفى وميار الببلاوي

كتبت نشوى عبر حسابها على Facebook: “ودي زميلة ممثلة، ومش معتزلة على فكرة لأن قريب كانت بتمثل عادي، والأخت مش عارفة إنه حرام تغتاب زميلة ليها وحاطة صورتها وماتعرفش مين أقرب لله هي ولا دينا ومتعرفش إن العبرة بخواتيم الأعمال.. لاحول ولا قوة إلا بالله”.

أضافت: “ايه ده ؟ هو انتى ياميار اعتزلتى التمثيل؟ أصلك لحد قريب كنت عارفة إنك بتمثلي عادي حتى لو فى رمضان.. وبعدين الممثلين يضيعوا عليكي رمضان ليه؟ انتي عاقلة بالغة وبعدين يا ستي اجتهدي وقاومي زمايلك الشياطين اللي بيلهوكى عن عباداتك علشان الجهاد ثوابه كبير ربنا يرزقك الجنة ويهدي زمايلك الأشرار”.

واختتمت نشوى تعليقا: “يا ميار حرام تستعدى الناس على زمايلك وتقولي للناس مين معايا.. عيب والله ده انتى كلتى معاهم عيش وملح.. ادعى بالهداية لكن غيبة ونميمة لاء.. كونى قدوة وسيبك من لم اللايكات.. وادعى ربنا يتقبل طاعاتك ويغفر لك ذنوبك.. غفر الله لنا ولكى.. وعلى فكرة شيلى صورة دينا علشان حرام عليكي ده بيسمى في الإسلام غيبة لأنها ماتعرفش إنك حطه صورتها وبعدين اتقى مكر الله يا ميار إن مكر الله شديد.. لاتزكوا انفسكم هو أعلم بمن اتقى”.