كارمن سليمان تنجو من بتر إصبعها.. وزوجها يتهم هؤلاء
كشف الملحن مصطفى جاد، عن نجاة زوجته المطربة كارمن سليمان، من بتر إصبعها مؤخرًا، بسبب الحسد وتدخل النفوس المريضة في حياتهما بشكل مستفز- على حد قوله.
كتب “مصطفى” على حسابه الشخصي على موقع التواصل الاجتماعي “فيس بوك”: “قسمًا بالله عمري ما كنت من اللي بيشتكي ولا بصور حاجة من المصايب اللي بتحصلنا عشان مش ذنب الناس تشوف حاجات وحشة وننقلهم طاقة سلبية.
وأضاف: “بس بجد فيه بشر مريضة ومليانه غل وحقد وقرف والحسد بقي عيني عينك، وبجد انا قرفت وتعبت وأعصابي مبقتش مستحمله أنى اسكت على الناس دي، واللي هيقع تحت إيدي منهم؛ همسح بكرامة أهله الأرض، عشان أنا عندي لسان وبعرف أرد، وبعرف آخد حقي قوي”.
وتابع: “الحسد وقعه وحش قوي جسديًا ونفسيًا وأنا معنديش أغلى من عيلتي عشان كده كلامي منفعل شويه، كارمن النهارده كان صباعها هيتقطع حرفيًا لولا ستر ربنا وكرمه واحترامًا لرغبتها مش هنزل الصور وعشان برضه الناس ملهاش ذنب تشوف حاجات زى كده واللي حصل حصل تزامنًا مع الصورة اللطيفة اللي تحت دي لنا الله وربنا يصفي قلوبنا”.
نرشح لك: أبناء ماسبيرو يتبرعون بالدم لانقاذ مخرجة النيل الثقافية