حلا شيحة: أتعرض للهجوم من "لجان إلكترونية"
كشفت الفنانة حلا شيحة عن اسرار آخر تدوينة لها على حسابها عبر إنستجرام قائلة “دي رسالة لنفسي وبوجهها لكل الناس اللي بيتعرضوا لكلام ممكن يضايقهم، زي مانا أتعرضت لكلام من وقت لرجوعي إلى الآن”.
تابعت حلا خلال مداخلة هاتفية مع الإعلامية لميس الحديدي عبر برنامج “القاهرة الآن” على قناة العربية الحدث: “دي صفحتي الفنية ولحد دلوقتي لما بنشر أي حاجة تخص عملي في الاستديوهات أو شغلي بلاقي ناس بتشتم فيا.. ودي حاجات غريبة مش فاهماها.. لا أعتقد أن ده الجمهور بتاعنا وأعتقد أنهم لجان إلكترونية موجهة هدفها إيذاء الفنان” وأكملت “في بعض الاحيان بعدي وأحيانا بضايق زي أي حد “.
ووصفت الهجوم عليها منذ عودتها بالطاقة السلبية، مشيرة إلى أن الاعتراض لا بد أن يكن باحترام وبطريقة بسيطة، وأكملت “سعيدة برجوعي.. أنا بحب الفنان أنا مولودة وجوايا حتة فنية.. صحيح أنا من عائلة فنية لكن أنا فنانة منذ صغري بحب الموسيقى وكل الأنواع.. الفن حتة مني “.
وعلقت على فترة غيابها قائلة: “كنت محتاجة الفترة دي ولازم نعرف أن أي حاجة بتحصل ليها سبب وحكمة من عند ربنا.. كان نفسي أخلف ويبقى عندي ولاد فاختفيت، ورجعت بعد 12 سنة بعد ماعملت اللي أنا عاوزاه.. وده طبيعي في محطات الحياة “
أردفت حلا شيحة “الانسان بيتغير في مراحل عمره، بيبقى مختلف في العشرين غير الثلاثين أو الاربعين “.