صبرى فواز لإيناس الدغيدي: مبحبش محمد صبحي

قال الفنان صبرى فواز: تقديمى لبليغ حمدى مرتين مش “نحت”، ففى مسلسل أم كلثوم قدمت 7 مشاهد، أما فى فيلم حليم، فكنت رايح ألحق آخر نفس تمثيل مع أحمد زكى فى حليم.

نرشح لك: صبري فواز لإيناس الدغيدي: أنا عيني زايغة

وتابع فواز خلال برنامج “شيخ الحارة والجريئة”، مع المخرجة إيناس الدغيدى، “مابحبش محمد صبحى على المستوى الفنى والشخصى بس بحترمه كمخرج مسرحى.. أنا حر فى احساسي.. شوفت منه شغل وتصرفات خلتنى ماحبوش والكلام ده من الزملا اللى اشتغلوا معاه”، وعن شخصية رجل الدين التى قدمها فى أكثر من مسلسل، قال: طول عمرى ضد الإخوان لأنهم مجموعة من الكذبة الإرهابيين وكلامهم لا يؤخذ بعين الاعتبار.. ويجب مواجهتهم من خلال المواجهات العسكرية من الجيش، وتغير التربة التى أفسدوها.

وعن هيفاء وهبى قال فواز: اتعلمت التمثيل واتطورت، واشتغلنا فى دكان شحاتة ولسه فى مسلسل “أسود فاتح” قريب، وجملة “جمل يا عم الحاج” تنطبق على رانيا يوسف لأنى بحب “الخمرى”.

أكد أنه من رواد “وسط البلد”، ويجلس فى مقاهى هناك من فترة طويلة: بقعد هناك من زمان وهفضل أروحها حتى بعد كورونا.. وكل اللى هناك حبايبى.

وكشف صبرى فواز، أن الثورة أجهضت فيلم كان سيقوم ببطولته، قائلا: “كامل أبو على وخالد يوسف كانوا عاوزينى فى بطولة فيلم.. كلمونى فى يوم روحتلهم، واتفقنا على الفيلم يوم 24 يناير 2011 بس الثورة قامت”، وبتأثر شديد، قال: عشت 5 سنين سيئة جدا فى حياتى.. اللى حصل من 2012 لحد 2017.. كل القريبين ماتوا ورا بعض فجأة.. مات 8 من أقرب الناس ليا.. ومافهمتش ايه اللى بيحصل.. مافقتش من الحزن 5 سنين ورا بعض”.

اختتم صبرى فواز الحلقة متحدثا عن كورونا، قائلا: الإرهاب أسوأ من كورونا.. وأنا فى الحظر ينتابنى الخوف والقلق لأنى عامل “دعامة”، لكن بستغل الوقت فى القراءة والمشاهدة.. وأتمنى تمر الأزمة لأنى خايف على حبايبي والقريبين منى وعلى الناس عموما”.