عايدة رياض: شاركت محمد رمضان في "الألماني" لدعمه بدون أجر
قالت الفنانة عايدة رياض، إن النجم محمد رمضان لا يملك التاريخ الفني الذي يجعلها تقارنه بنجوم الفن الجميل أمثال فاتن حمامة وسعاد حسني.
نرشح لك: عايدة رياض: أنا مسيحية ومعملتش عمرة
تابعت “رياض” خلال حلولها ضيفة على برنامج “شيخ الحارة والجريئة” مع المخرجة إيناس الدغيدي، على قناة “القاهرة والناس”: “مش بجامل محمد رمضان عشان أشبهه بفاتن حمامة وهما طلع عليهم ألقاب بالفعل، لكن محمد رمضان معندوش تاريخ، وأنا مش محتاجة أي حد عشان يشغلني”.
أوضحت أنها تؤدي أدوارها ببراعة مما يجعل النجوم والمخرجين يتهافتون على مشاركتها في أعمالهم، مشيرة إلى أنها أول من شارك هي والنجم أحمد بدير مع محمد رمضان في فيلم الألماني ولم يكن معروفا وقتها ولكن دعمته كشاب جديد.
أردفت: “أنا عملت مع محمد رمضان الأسطورة والألماني، وفي الألماني مكنش معروف خالص وأنا وبدير اللي كان معروفين، وهو ربنا فتح عليه وعلى المطربة بوسي بعدها، ومخدناش في الفيلم ده أي فلوس خالص كان مجاملة للشباب عشان كان ساعة الثورة”.