بعد أزمة تراخيص البناء.. السيسي للمحافظين: متخلوش الدنيا متسابة

علّق الرئيس عبد الفتاح السيسي، على أزمة تراخيص البناء وانتشار المباني المخالفة في كل المحافظات، موضحا أنه على مدى سنوات طويلة لم بفكر أي من المحافظين في وقف التراخيص.

نرشح لك: السيسي: حالات كورونا بمصر في الحدود الطبيعية

أضاف الرئيس خلال افتتاح مشروع “بشاير الخير 3″، صباح اليوم، الخميس، أنه لا بد من تنفيذ القانون في مواجهة تلك المباني المخالفة، قائلا: ” يا ترى المحافظين على مدى الـ20 سنة اللي فاتت حد قال هوقف إصدار تراخيص لحد ما نتعامل مع التصور اللي إحنا فيه؟! يقولك العمارة طلعت واتسكنت مش هنعمل حاجة.. من حقك كمحافظ تقول لأ، شوف حجم الكثافة الموجود يسمح بالتنفيذ ولا لأ”.

تابع: “الناس تلتزم واللي عايز يبني أهلا وسهلا، بقول لمحافظ القاهرة والإسكندرية الدنيا متسابة.. الكلام ده وأنا قائد المنطقة الشمالية في الإسكندرية قولته.. أنت لازم تعرف أنت مين، المحافظ رئيس دولة صغيرة، من حقك تقولي لو سمحت مش هطلع تراخيص إلا لما أدرس الموقف عندي، لما نشوف عدد المخالفات الموجودة أمر خطير”.

في نفس السياق، كلف الرئيس، وزارة الداخلية بتنفيذ القانون والقبض على مرتكبي مخالفات البناء والتعدي على أراضي الدولة، موضحا أنه لو وجد 10 آلاف مخالفة، يتم القبض على 10 آلاف شخص، قائلا: “اللي هيعمل غلطة لازم يتقبض عليه”.