أسامة كمال ينتقد ارتفاع أسعار المستلزمات الطبية

انتقد الإعلامي أسامة كمال في حلقة اليوم من برنامج “مع أسامة كمال”،  ارتفاع أسعار المستلزمات الصحية والتحاليل والكثير من الفحوصات الطيبة مثل الأشعة المقطعية.

نرشح لك: رئيس شعبة المستلزمات الطبية يحذّر من ارتداء الكمامة الطبية

قال كمال: “شخص لمركز أشعة معين يعمل أشعة مقطعية ع الصدر، دفع 900 جنيه، رقم مبالغ فيه جدا، بس ماشي، مضطرين.. بعدها بـ 3 أيام بعت حد تاني وفي ايده 900 جنيه لنفس المركز، نفس الفرع يعمل نفس الحاجة، مانفعش، لأن السعر بقى 1400 جنيه.. أه والله.. 50% زيادة مرة واحدة في 3 أيام.. يعني إيه؟”.

أضاف: “نقول كمان، ميزان الحرارة الديجيتال كان بيتباع في كل حتة بسعر 400 جنيه، وصل 600، يعني برضه 50% زيادة وفجأة بقى بـ 4 آلاف جنيه يعني 10 أضعاف السعر، يعني ايه؟ يعني انت جشع، يعني انت بتستغل الناس، يعني انت ماعندكش البتاع الأحمر اللي عندنا في العروق، ولو اتعورت هتخر ورق بنكنوت.. أبلغ في مين؟ مافيش تسعيرة، أقول اسمك؟”

استطرد أسامة كمال: “هو مصطلح ظروف استثنائية صعب الفهم؟ احنا-في-ظروف-استثنائية.. يعني ظروف مش عادية، يعني اللي يمشي في الأيام العادية ما يمشيش الأيام ديه، يعني كل واحد يحط في عينه حصوة ملح ويتعامل على أساس إنها مش أيام عادية.. يعني إيه؟”.

يسعي أسامة كمال من خلال برنامجه إلى فرز العديد من الأخبار بعيدا  عن التهويل والتهوين، لتضع المشاهد والمتابع في إطار صورة واقعية وحقيقية، ويذاع البرنامج يومي الأحد والأربعاء الساعة 12.30 ظهرا.