هبة العفيفي: الحب الأول خالد
عن تفاصيل المشهد الأول من الحدوتة…
عن الكسوف والدلع والخوف
عن احساسك الأول بمعنى الحاجات الحلوة
عن نظرتك الجميله لكل حاجه وحشه اتعودت تشوفها فـ حياتك
عن قسمتك لكل حاجه على اتنين
عن اول نظرة بتتحضن فيها العينين
عن لهفتك في كل مره للقا
عن احساسك بالخوف من الخسارة
عن سكوتك في الوقت اللى لازم تتكلم فيه
عن كلامك وقت اللى سكوت مفروض
عن اول هديه جبتها
عن كلام التليفونات والرغي بالساعات
صمت
بعد
قرار
عن المشاوير
عنك وانت متبت قوى في الحاجات
عن كل مره محدش بيرد فيها على تليفونك
عن الفجر اللى مابتصليش غيره
عن ربنا اللى بنحتاجه يطبطب علينا
عن البعاد
عن الاغانى اللي وقفت فجأه عن السماع
الحب الاول خالد!
خالد عشان كدب اللى قالك انه نزوه وهفوه ولعب عيال وبيتنسى
افهموا ان الموت حقيقه مابتفرقش بين صغير وكبير بين ضحكه حلوة وبهجه وبين انسان الدنيا كئبته ربنا بيسامح وبيدى مليون فرصه عشان الانسان يفضل يحاول بس احنا مابنسامحش ولا بندى فرص للناس .. فماتكسرش نفس ولا قلب حد يمكن بكره ماتشوفوش تانى ..ماتستهونوش بناس بتجيلكو لحد عندكوا تشوفكوا ..ماتستهونش بحد بيكلمك عشان يصالحك ويسمع صوتك..ماتستهونوش بمشاعر حد وحب حد ..
ففي الحب والسعادة والمغفره والسماح كما تدين تدان