نيللي كريم: "مدمنين كتير بيبعتولي علشان يتعافوا"
قالت الفنانة نيللي كريم، إن المخرج تامر محسن استغرق خمس سنوات في البحث عن مشكلات الإدمان، حتى يتمكن من كتابة مسلسل “تحت السيطرة”، مشيرة إلى أنه تم الإستعانة بطبيب متخصص في معالجة الإدمان طوال فترة التصوير.
وأضافت “كريم”، في مداخلة هاتفية مع الإعلامي وائل الإبراشي، ببرنامج “العاشرة مساءً”، المذاع على قناة “دريم2”: “الحالات اللي عايزة تتعافى زادت بعد المسلسل، الأول كان في مكالمة او اتنين في اليوم بتطلب العلاج، دلوقتي وصلوا لـ 20 مكالمة، وناس بتبعتلي رسائل تسأل على اسماء الدكاترة إيه، وبيقولولي عايزين نتعافى، ونبقى كويسين، مش عايزين نوصل للمرحلة دي”.