باسم كميل بعد إيجابية المسحة الثانية لكورونا: "ادعولي"
عمر خليل
كشف الإذاعي باسم كميل، مذيع برنامج “فول 92.1” الذي يذاع عبر إذاعة “إينرجي”، عن إيجابية المسحة الثانية له بفيروس كورونا.
نرشح لك: “الصحة” تنفي بروتوكولات علاج كورونا المتداولة على “السوشيال ميديا”
كتب “باسم” عبر حسابه الشخصي على موقع تبادل الصور والفيديوهات “إنستجرام”: “كنت جاهز ومحضر نفسى إني أقولكم أخبار حلوة، لكن للأسف عملت المسحة أول إمبارح والنتيجة إني لسه إيجابى”.
تابع: “مع إن الدكاترة قالولي إنه عادي، وفي ناس ممكن تفضل إيجابية لمدة شهر بعد الـ14 يوم عزل، وإنه علميا وطبيا أنا ممكن خلاص أطلع من العزل اللي أنا فيه لكن طبعا أعمل كل إجراءات الوقاية وكده، لكن أنا خايف أعمل كده بما إني عايش مع أهلي”.
أضاف: “طبعا أنا بشكر ربنا مليون مرة إن حالتي كانت بسيطة وإنني متعبتش جامد، بس أنتم مش متخيلين قد إيه العزل في أوضه ده سيئ إزاي، وقت فراغ كتير بيخليك تفكر في كل حاجة، فكرت في حاجات وحشة قوي لكن الحمد لله برضو فكرت في كل حاجة أنا نفسي أرجع أعملها لما أطلع من العزل، وكل حاجة انا نفسي أبدأ أعملها لما أطلع من العزل”.
اختتم مذيع “إنرجي” حديثه: “كان نفسي أكون إيجابي وأقولكم أخبار حلوة لكن أنا محبط، مش عارف راسي من رجلي، ومش عارف المفروض أعمل إيه دلوقتي ولا أتعامل إزاي. فا لو سمحتم، لو قريتوا البوست لحد الحته دي، ادعولي”.
جدير بالذكر أن باسم كميل أعلن عن إصابته بفيروس كورونا منذ عدة أيام عبر مقطع فيديو نشره عبر حسابه بموقع “إنستجرام”.