عبد الله غلوش يكتب: غلوشيات رمضانية (7)
– اعلان بيبسي .. اللقطة الأهم في تاريخ هيثم احمد زكي.
– اعلان بيبسي .. الفكرة Copy w paste من السنة اللي فاتت واللي قبلها.
– اعلان بيبسي .. أسوأ مرة اسمع فيها صوت حسين الجسمي.
– اعلان بيبسي .. المفروض هنيدي كان يحضن علاء ولي الدين في الاعلان ولكن أهله رفضوا ظهوره.
– اعلان بيبسي .. الكل بيقول اعلان بيبسي مع انه اعلان شيبسي وبيبسي.
– لما تبقي المسلسلات الكوميدي زي “يوميات زوجة مفروسة” ، لازم الأعمال الكئيبة هي اللي تنجح.
– ولكم في قضية أحمد عز وزينة عبرة يا أولي الألباب.
– هو “بكار” بقي رخم ولا احنا اللي كبرنا؟
– “الست مصر” علي راديو 9090 .. اسعاد يونس مذيعة هايلة و narratorعادية.
– “حالة عشق” .. اجمل نهاية حلقة كل يوم واكثرها تشويقا.
– أهم معلومة نسي السقا وياسمين عبدالعزيز يقولوها في اعلان شيفورليه اوبترا الجديدة انها تقفيل وتجميع صيني مش كوري.
– مدير اعمال النجم او مستشاره الفني ، لقب جديد يغزو تترات المسلسلات.
– “تشيللو” .. تيم الحسن في أفضل حالاته.
– ليه معظم المحطات الإذاعية بتتعامل مع الاغاني في رمضان علي انها حرام قبل الفطار وحلال بعده؟
– من الدروس المستفادة في “تحت السيطرة” .. ان اضرار الحشيش تكاد تكون معدومة.
– اللهم ارزقنا قدرة محلات الحلويات علي الابتكار.
– وسط الحر والصوم والمسلسلات وكل الحاجات الحلوة دي ، تخيل نفسك رايح النهارده الصبح تمتحن ثانوية عامة في الاستاتيكا والجيولوجيا وعلم النفس .. تخيلت؟ .. قول الحمدلله.
– علي ربيع ، أسرع واحد هايختفي من نجوم تياترو مصر.
– سيكتب التاريخ ، ان حسن حسني اول حما يجيب ملابس داخلية لمرات ابنه.
– س : لما “القاهرة والناس” من اول يوم في رمضان لغاية النهارده تكتب في النيوز بار بتاعها وتذيع في نشراتها خبر بيشتم في برنامج رامز نقلا عن جريدة سعودية مجهولة ، ده يبقي اسمه ايه؟
– ربنا يرحمك يا أمي ويرحم امهاتنا جميعا ويخلي أمهاتكم يارب.