شاهد.. رسالة دعم من سمية الخشاب لضحايا التحرش
وجهت الفنانة سمية الخشاب، رسالة دعم للفتيات اللاتي يتعرض للتحرش والاغتصاب، عبر حسابها على موقع تبادل الصور والفيديوهات “إنستجرام”.
نرشح لك: بلغة الإشارة.. سمية الخشاب توجه التحية لجيش مصر
طالبت “الخشاب” الفتيات بالتمسك بحقوقهن، قائلة: “ما تخفيش، ما تتكسفيش، خليكي قوية، وخلي عندك ثقة بنفسك وفي مجتمعك وفي كل الناس اللي ممكن تدعمك، كلامي لكل بنت بتتكسف وبتضيع حقها عشان بتسمع كلام الناس، متضيعيش حقك”.
تابعت: “متسبيش حقك، متكونيش سلبية، أرجوكي متخافيش، أرجوكي دافعي عن حقك والكل هيدعمك”.
علقت على الفيديو، قائلة: “لكل بنت تعرضت للتحرش أو الاغتصاب، إحنا معاكي والمجتمع معاكي!! التحرش والاغتصاب جرائم ليس لها أي مبرر!! والتحرش والاعتداء اللفظي أو الجسدي مرفوض تماما!!!”.
أردفت: “أرجوكي متسيبيش حقك. انتي أنثى يعني الحياه يعني عصب كل حاجة، ماتكونيش سلبية وتتنازلي عن حقك وتدي حق للمتحرش أو المغتصب أنه يعمل كده فغيرك! لأ يعني لأ!! واوعوا تخافوا من الابتزاز، انتوا أقوى من أي حاجة. ولأ يعني لأ، ليكم كل الدعم حبايبي وكلكم أبطال”.
يشار إلى أن عدد كبير من الفنانين، قدموا رسائل دعم لضحايا التحرش، بعد واقعة اتهام مجموعة من الفتيات شاب يدعى أحمد بسام زكي بالتحرش بهن، واغتصاب طفلة أقل من 18 عامًا.