خشية المتاجرة بقضية ابنته.. عمرو السولية يرفض مداخلة مع الإبراشي
هبة خالد
قال الإعلامي وائل الإبراشي خلال حلقة السبت، من برنامج “التاسعة” المذاع عبر القناة الأولى المصرية، إن عمرو السولية لاعب النادي الأهلي، رفض إجراء مكالمة هاتفية خلال البرنامج؛ للتحدث عن موضوع التحرش بصورة ابنته التي نشرها أمس السبت وتعرضت لانتقادات مسيئة.
نرشح لك: بعد مطالبته باحتشام ابنته ذات الـ3 سنوات.. عمرو السولية يلجأ للقانون
أضاف الإبراشي أن السولية أوضح أنه رفض التحدث عن الأزمة، حتى لا يظهر كأنه يتاجر بقضية ابنته.
كان عمرو السولية، قد رد على التعليقات المسيئة التي تعرض لها بعد نشره صورًا له مع ابنته ليلى ذات الـ3 سنوات، عبر حسابه على موقع تبادل الصور والفيديوهات “إنستجرام”، والتي طالبه البعض أن يجعلها ترتدي ملابس محترمة بعكس التي ترتديها في الصور، على حد قولهم.
علق “السولية” عبر حسابه على “إنستجرام”: “ليلى بنتي عندها 3 سنين ونص (لسه قالعة البامبرز من كام شهر) الكلام ده بيتقال على طفلة!! ايه اللي يخلى (بني آدم) خنزير ممكن يبص على لبس طفلة ويركز غير أنه فعلاً خنزير؟! ايه المرض ده!”.
تابع: “مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم. اتمنى الشيوخ اللي بيبرروا للتحرش ولبس البنت يكونوا مبسوطين دلوقتي وهما شايفين اللي بيحصل”.
أردف: “قررت اتقدم ببلاغات لأصحاب الكومنتات دي عشان اللي زي دول مينفعش يكبروا وسطنا، قررت أحمي بناتي اللي لسه مشافوش الدنيا وللأسف خايف عليهم يشوفوا كمية القرف و الاشمئزاز ده”.