إيمان رياض مبررة ابتعادها عن السوشيال ميديا: مش طايقة صفحاتي
كشفت الإعلامية إيمان رياض، عن السبب الذي أدى إلى ابتعادها عن مواقع التواصل الاجتماعي في الآونة الأخيرة.
نرشح لك: بالصينية.. إيمان رياض تعتذر للسائح ضحية التنمر
نشرت “رياض” عبر حسابها الشخصي على موقع “إنستجرام” صورة لها وعلقت كاتبة: “ربنا وحده اللي عالم أنا بجاهد نفسي إزاي إني أرجع تاني لحياتي الطبيعية معاكم على السوشيال ميديا، بشكر كل اللي بيسألوا عليا واللي بيشجعوني أرجع لكم تاني، وعلشان ما حدش يقلق أنا وأسرتي تمام الحمد لله بس من بعد رمضان وأنا مش طايقة أدخل على صفحاتي ولا قادرة أتواصل مع حد”.
تابعت: “حالة غريبة عمري ما مريت بيها قبل كدة، في الأول كنت مبسوطة جدا من التغيير ده وحالة السكون اللي كنت عايشاها أنا وأولادي فقط! بعد شوية وحشتوني وحشني إحساسي إني قادرة على العطاء، أقصد طبعا العطاء المعنوي سواء بالكلمة الطيبة أو النصيحة اللي من القلب، لكن حتى الآن بحس إني فعلا مش قادرة أكتب حاجة! ولا قادرة أتصور! ولا قادرة أتكلم مع حد!”.
أردفت: ” بجاهد نفسي فعلا خاصة مع إلحاح الأصدقاء والمقربين والمتابعين إني أرجع تاني! شكرا من قلبي لكل حد سأل عليا، وشكرا لزمايلي اللي ماسكين صفحتي عالفيسبوك لأنهم محسسني إني مش مقصرة والصفحة شغالة تمام، بدعي كتير وأسألكم الدعاء.. اللهم استخدمنا ولا تستبدلنا! اللهم آمين”.