مراد مكرم للجمهور: بتشتموا وتدخلوا في الأعراض ليه!
شارك الفنان مراد مكرم، الجمهور بتدوينة حذرهم فيها من التنمر أو وصف صورة أي فنان بألفاظ نابية.
نرشح لك: “ربوا ولادكوا”.. دليل مراد مكرم لتربية الأبناء بعد وقائع التحرش
نشر “مكرم” التدوينة عبر حسابه الشخصي على موقع “فيسبوك”، وجاء نصها كالآتي: “أي حد هيحط صورة أي فنان في أي وضع ويتريق أو يشتم أنا هشيله من عندي بكل هدوء، فيه ناس عادي إنهم يتصوروا بمايوهات، مع أصحابهم مع عائلتهم مع أجوازاتهم، إنتوا مالكوا، مش عاجبكم الصورة بتشيروها ليه وبتشتموا وتدخلوا في الأعراض ليه؟”.
زي ما في ناس بتنزل البحر بهدومها، وفي اللي بينزل بما يسمى المايوه الشرعي، وفي اللي بينزل بالمايوه، إنتو مالكوا، مفيش حد أحسن من حد خليكوا في نفسكوا، مش عاجبك ما تبصش وما تقلدش، إنما تنصب نفسك قاضي وده يصح وده ما يصحش مش من حقك، أنت مش حامي حمى الأخلاق، ولا أنت واخد رخصة مباشرة أو توكيل من ربنا علشان تتكلم بالنيابه عنه، اللي انت شايفه غلط،ما تطبقوش علي اهل بيتك بس خلاص.
يشار إلى أن مراد مكرم، كان قد شارك في الموسم الرمضاني الماضي من خلال مسلسل “ونسني”.
مسلسل “ونسني” بطولة كلٍ من أحمد سلطان، محمود الليثي، حازم إيهاب، سارة درزاوي، بسنت شوقي، إخراج رامي رزق الله، تأليف تامر فرج.