سعد سمير يكشف تفاصيل الحالة الصحية لشقيقه ويطلب الدعاء
شارك سعد سمير، لاعب نادي الأهلي، بصورة جمعته بشقيقه في المستشفى، مطالبًا الجميع بالدعاء له بالشفاء العاجل.
نرشح لك: صفاء أبو السعود تنعي سناء شافع
نشر “سمير” الصورة عبر حسابه الشخصي على موقع “إنستجرام”، وعلق عليها موضحًا تفاصيل الحالة الصحية لشقيقه، حيث كتب: “دايما في تحديات الواحد بيمر بيها وصعوبات لكن أصعب ابتلاء غالبا بيكون في الصحة، ربنا ما يوريه لحد، 2015 اكتشفنا ورم في المخ وصدمنا جميعاً واتحركنا في كل الاتجاهات وربنا كرمنا وعدينا منها على خير، دائماً بشوف أخويا راضي وصابر بقضاء ربنا، مرت الأيام وابتدى يتحسن”.
تابع: “وبعدها بـ 4 سنين، اكتشفنا تعب تاني وورم تاني في المخ وكانت العملية أصعب والوضع خطر جدا وكان لازم نعمل عملية رغم صعوبتها ومفيش قدامنا غير ربنا سبحانه وتعالى يعدينا من الأزمة وربنا كرمنا وعدت على خير وأبتدى مصطفى أخويا يتحرك ويفوق شوية وهو لسه 25 سنة، ساعتها قالنا الدكتور احتمال نحتاج عملية ثالثة علشان نقدر نعدي المرحلة الصعبة دي ونكون بخير”.
أردف: “لكن في كل الظروف دي والتعب وواحد دماغه بتتفتح 3 مرات وهو لسه في عز شبابه إلا إنه صابر وقانع بقضاء الله وابتسامته مش بتفارقه وهو داخل العملية واحنا قلبنا مقبوض وهو خارج منها ودائماً بتعلم منه من عزيمته وإصراره ورضاه وصبره وخصوصاً إن هو سندي وظهري سواء هو أو بقيت اخواتي هم الكنز الحقيقي في هذه الدنيا، ده قضاء ربنا الذي يحمد على كل شيء اللهم احفظ أخي واشفه بفضلك وكرمك وبارك لي فيه”.