بعد إتلافه Jetski.. تحرير محضر ضد حسن شاكوش بالساحل

أكد المهندس إسلام عز العرب، إنه حرر محضرًا بقسم مارينا بالساحل الشمالي، ضد مطرب المهرجانات حسن شاكوش، بتهمة إتلاف موتور Jetski.

نرشح لك: أغنية جديدة تجمع حسن شاكوش وعمر كمال

نشر “عز العرب” عبر صفحته الرسمية على موقع “فيسبوك”، مقطع فيديو وثق من خلاله لحظة انقلاب “شاكوش” من فوق Jetski أثناء قيادته له بصحبة شخص آخر.

وعلق على الفيديو الذي نشره كاتبًا: ” الفيديو ده بيوضح إن الشهرة والنجومية لمطربين المهرجانات تساوي الاستهتار بحياة الناس وأرواح الأطفال وممتالكاتهم، أولا الفنان حسن شاكوش طلب انه يتصور فيديو بلجيت سكي الشخصي بتاعي، وينزله على صفحته وأنا وافقت بدون مقابل أو فلوس”.

تابع: “ثانيا التعليمات والسؤال الطبيعي للفنان أو أي شخص عادي قبل ما يركب الجيت حضرتك ركبت جيت قبل كده أو تعرف تعوم قال طبعا يعني مش محتاج Life jacket قال أنا مش محتاجة احنا أبطال في السباحة، ثالثا الفنان حسن شاكوش، شاف الجمهور بيصور علي الشاطيء، وبدأ يستعرض مهاراته الغلط الغير مسموح بيها علي الإطلاق ونسي إنه راكب جيت سكي وكمان في بحر مفتوح وفي أمواج وكمان أرواح بني آدمين وأطفال وبدأ يقف على الجيت هو ومدير أعماله وفك المفتاح من إيده ودي كارثة عشان يشاور للجمهور لغاية ما اتقلب هو واللي معاه واكتشفنا انه مش بيعرف يعوم أصلا وكان بيغرق، وكانت كارثة”.

أردف: ” المهم اللي حصل إنه عشان أول مرة في حياته يركب جيت وفي الحالة دي هو كذب عليا وعرض حياته للخطر عشان التريند والهشتاج مفروض إنه كان يعدل الجيت بسهولة جدا ويركبه تاني وده طبيعي لكن المفتاح ضاع منهم وفضل مسيطر عليه النجومية وفضل فوق الجيت وهو مقلوب لغاية ما تلف الموتور والجيت، وطلع بالسلامة الحمدلله بمساعدة الناس”.

اختتم: “وطالبته إنه يتعامل مع الموقف اللي حصل بشكل احترافي وعملي ويشوف الأضرار والتلفيات اللي حصلت في الجيت اللي أنقذ حياته قال مليش دعوة ومتعرفش تعمل حاجة معايا عشان هو مغني مهرجانات مشهور وأنا مش مندهش عشان دي تربية بغض النظر عن الشهرة والحمد لله احنا مش في غابة احنا في دولة فيها قانون، شكرا جزيلا مأمور قسم مارينا، السيد ربيع، النقيب سعيد حسنين.. لاتاخذهم الإجراءات القانونية اللازمة”.