رولا خرسا عن خادمتها: رمت الكلاب في الشارع وهربت

شاركت الإعلامية رولا خرسا، الجمهور بتدوينة أكدت من خلالها هروب خادمتها بعد أن ألقت بالكلاب في الشارع.

نرشح لك : أحمد كريمة ردًا على جدل اقتناء الكلاب: لا ينجس ولا يفسد الوضوء

نشرت “خرسا” التدوينة عبر حسابها الشخصي على موقع “فيسبوك”، وجاء نصها كالآتي: “من أسوأ تجارب حياتي حصلت النهاردة.. البنت الي بتساعدنا في البيت نزلت تمشي كلابنا في الشارع، عملت ايه؟ رمت الكلاب في الشارع وهربت، مش مهم هي رغم إن ربنا عالم وحده إن احنا بنعامل إزاي”.

تابعت: “لفينا على الكلاب في كل حتة أكتر من ٣ ساعات وكلنا منهارين لاحسن يكونوا تاهوا، بس لطف ربنا مالوش حدود فعلا، ناس طيبين في أجزخانة لقوهم ودخلوهم عندهم لغاية ما يجي حد يسأل عنهم”.

أضافت: “الدروس المستفادة: 1-لسه فيه ناس عندهم رحمة وإنسانية زي بتوع الأجزخانة ربنا يكرمهم، 2- توقع الغدر من أي حد دا بابلو حبيبي كان بيحبها جدا وبينام أوقات كتير جنبها، 3- لسه فيه أشرار على كوكب الأرض ناس معندهاش رحمة، 4- ديفا وبابلو دول أولادي وتاهوا ورجعوا”.

اختتمت: “أنا مش عارفة أبطل عياط واللي على لساني ألف حمد وشكر ليك يا رب، لطفك دائما غامرني”.