نصائح عمر كمال لتحقيق النجاح

عمر خليل

وجه مؤدي المهرجانات عمر كمال، عدد من النصائح لمتابعيه عبر مواقع التواصل الاجتماعي، للنجاح في حياتهم العملية.

نرشح لك :عمرو دياب يعود للدراما من خلال نتفليكس

كتب “كمال” عبر حسابه الرسمي على موقع التواصل الاجتماعي “فيس بوك”، قائلا: “مفيش حاجة بتيجى بالساهل.. هتقعد تقول أحط الشهادة فين وبص مين معاه وبص مين جاب أيه هتقف مكانك ومش هتتحرك.. الدنيا والأيام بتجري ولو ملكش قلب تسعى وتجازف وتجرب الدنيا هتفرمك وهتبقى زي الكتير اللي تايهين فيها”.
تابع: “اتعلمت واخدت شهادة؟ أنا بردو اتعلمت واخدت شهادة.. طلعت مش لاقي شغل.. أنا بردو طلعت مش لاقي شغل.. أهلك صرفوا دم قلبهم عليك.. أنا بردو زيك.. بس أنا مقعدتش أشتكي حالي وأقول حال البلد وأقول كاني وماني.. نزلت اشتغلت بإيدي وقولت حب ما تعمل حتى تعمل ما تحب”.

استكمل: “اشتغلت كل حاجة.. جريت في كل السكك اللي ممكن توصلني للنجاح.. بتعامل وبوصل لكل الناس اللي ممكن اشتغل معاهم ويضيفوا ليا.. بشغل دماغي وبتعلم وبحاول أفهم الدنيا والسوق رايحين فين وأعمل اللي يعجب الناس.. قول الحمد لله ولو لقيت غيرك في نعمة قول ربنا يزيده ويديني”.

يشار إلى أن عمر كمال طرح مؤخرًا أغنية جديدة “شيكولاتة سايحة جوه كيك” بالتعاون مع مؤدي المهرجانات حسن شاكوش، وحققت نجاحًا كبيرًا على مواقع التواصل الاجتماعي.

الجدير بالذكر أن عمر كمال انتهى مؤخرا من تسجيل أغنية جديدة تحمل عنوان “خانوا عيشي وملحي” في تعاون مؤدي المهرجانات أورتيجا، والتي تعد الأولى لأورتيجا بعد إعلان انفصاله فنيًا عن المطرب أوكا بعد تعاون استمر نحو 10 سنوات.