المتهم باغتصاب منة عبد العزيز: "أقمت علاقة معها 6 مرات"
أمر المستشار حمادة الصاوي، النائب العام، يوم 26 يوليو الماضي، بإحالة 6 متهمين في واقعة التعدي على المجني عليها منة عبد العزيز لـ محكمة الجنايات.
نرشح لك:بسبب رشوة جنسية.. عزل عميد “تربية” بنها
جاءت التهم الموجهة إليهم كالتالي “خطفها بالتحايل والإكراه، ومواقعتها كرهًا عنها، وهتك عرضها بالقوة والتهديد، وسرقتها بالإكراه، وانتهاك حرمة حياتها الخاصة عبر الإنترنت عن طريق بث فيديو لها “عارية” بعد التعدي عليها جنسيا، وضربها، وإتلاف هاتفها، وتهديدها بإفشاء أمور تخدش شرفها، وتعاطي المخدرات، وإدارة وتهيئة مكان لذلك، عبارة عن غرفة بفندق زوسر بشارع الهرم بمحافظة الجيزة”.
المتهمون في القضية هم، محمد حمدي وشهرته “كلاشنكوف”، وشيماء شاكر وشقيقتها فاطمة، ومازن إبراهيم الطاهر وشهرته “المميز”، وبسام رضا وشهرته بيشوي، وفني بفندق زوسر، يُدعى “سراج فاروق”.
قال مازن إبراهيم الطاهر محمد، 23 سنة، طالب بمعهد نيو كايرو. في تحقيقات النيابة: “أنا أعرف منة عبد العزيز من حوالي 4 أشهر، لأني قابلتها في عيد ميلاد، في كافيه فى المهندسين، وهناك تجمع نجوم تيك توك كلهم، وبعد ما خلصنا عيد الميلاد، رحت أنا ومنة وناس تاني نايت كلوب، في شارع النيل، ودخلت الحمام ولفيت سيجارة حشيش، ورجعت أشربها، وجاتلي منة، قالتلي عايزة أشرب معاك، وقعدنا نشرب سوا، وهي شربت خمير تكيلا، وقمنا رقصنا سوا وعملنا 5 فيديوهات اليوم دا، وبعدها بـ 3 أيام كلمتها وقابلتها ونزلنا المهندسين، وجبنا مخدرات وشربنا واتصورنا الصورة الشهيرة اللي كانت لابسة فيها جيبة قصيرة وطقم أصفر، وعملنا 4 فيديوهات، ونشرتهم على إنستجرام وفيس بوك”.
تابع: “وبعدين روحت لصاحبي في المهندسين، وبعدها روحت شقة صاحبي دا في الهرم، واليوم دا عاشرتها جنسيا، واكتشفت ساعتها أنها مش بنت، واستمرت العلاقة بينا وعاشرتها حوالي 6 مرات لمدة شهر تقريبًا في شقق كنت بأجرها في المهندسين وجامعة الدول والزمالك، وفي الفترة اللي فاتت دي – الـ 4 أشهر اللي فاتوا – كنا بننزل أنا ومنة كافيه موجود عند كنتاكي في وسط البلد، وبدأ ينزل معانا “كلاشنكوف”، وكنا نقعد مع بنات ونشرب شيشة ونتفق على فيديوهات ونضحك ونهزر”.
انتقل المتهم إلى الحديث عن واقعة فيديو الاعتداء الجنسي على منة عبد العزيز، قائلًا: “مرة بسام وكلاشنكوف كلموني يفطروا عندي، في رمضان، وجولي بيتنا، وبعدها اتصلت بمنة، عشان نتقابل ونبات مع بعض فى فندق بالهرم، قالتلي أنا معايا 3 بنات تاني وهن شيماء شاكر وأختها فاطمة ورحمة، قلتلها هاتيهم وتعالي، وتقابلنا وروحنا الفندق، وقابلنا هناك سراج فاروق وكان حاجز لينا أوضتين وسويت، وبعدها نزلنا أنا وبيشوي، جبنا شريط بريجدين 400، ونص سنتي حشيش من ديلر، وكرتونة بيبسي كانز، و7 علب سجاير LM أحمر، وبيشوي اشترى موس عشان يقطع بيه الحشيش، ورجعنا الفندق، وفجأة كله قال ننزل البيسين، وبعدين طلعنا الأوضة تاني، وفجأة شيماء قالت إنها مش لاقية الموبايل بتاعها، واتهمت منة وضربوا بعض، وأنا أخدت منها تليفونها وفتشت شنطتها وأخدت منها 125 جنيه، وقلتلها هدي تليفونك لشيماء، لغاية ما تجيبي التليفون اللي أنتي سارقاه”.
أضاف: “منة دخلت السويت وقفلت على نفسها، وبيشوي عرف يدخل عندها، وبعدها سمعنا منة بتقول (متعورنيش يا بيشوي.. أنا هقلع لوحدي، وبصينا من البلكونة لقيناه مع منة، وكلاشنكوف عرف يدخل وكلنا وراه، وشوفنا منة عريانة، وهي بتلبس البنطلون، وشيماء شاكر كانت بتصور، وساعتها بيشوى ضرب منة على وشها”.
وعن حياته الشخصية، قال: “أنا مولود في المنيل وعايش في الهرم، أبويا إبراهيم الطاهر محمد، يعمل في شركة عقارات بالشيخ زايد، وأمي محفظة قرآن.. وعندي أخت فى كلية فنون جميلة وأخ في الإعدادي”.
أردف: “اتولدت في المنيل، وكنت شاطر جدا، وبعدها روحت مدرسة القومية في العجوزة وكنت من الأوائل، لحد ثانوي، اتعرفت على شباب وبنات، وبدأت أشرب شيشة واشتريت موتوسيكل ريس، وبسبب المشي الغلط دا سقطت في الثانوي مرتين وجبت مجموع 51%، ودخلت معهد نيو كايرو في التجمع”.
أشار إلى أنه يمتلك حسابات على على فيس بوك وإنستجرام وتيك توك، ولديه 5 آلاف صديق على “فيس بوك” و350 ألف متابع على إنستجرام. وعن سبب نشره فيديوهات على مواقع التواصل الاجتماعي، قال: “عشان أتعرف على بنات وأتشهر”، منوها عن أن والده يعطيه 250 جنيه كمصروف يومي.
تابع عن أزمة فيديو اغتصاب منة عبد العزيز: “عملت فيديو 15 دقيقة، وقلت إني معملتش كده، ورفعت صور قديمة لينا على الفيس بوك، وبعدها بيوم، عمي أحمد الطاهر كلم كلاشنكوف، وجاب منة عشان نحل الموضوع، وراحوا عند عمي، وجابلها IPHONE 11، وطلعت هي في 4 فيديوهات تقول مازن أخويا الكبير ومعملش حاجة”.
أشار إلى أنه كان لديه سابقة جنائية في قضية سرقة لكنه حصل فيها على براءة، لافتا إلى وجود علاقة تجمعه بخالد زوج الراقصة جوهرة، متابعا: “أعرفه عن طريق إنستجرام، وهو دخل اتعرف عليا عشان كنت بعمل فيديوهات وصور وأنا سايق الموتوسيكل وبعمل حركات. عرفته من 3 أشهر، كنا نقعد مع بعض في كافيه، وصداقتنا مطولتش، لأني مكنتش بستجدعه، لأنه كان مادي وبيدور على الفلوس وبس”.
وعن علاقته بمنة عبد العزيز أوضح: “أنا أقمت معها علاقة جنسية 6 مرات”. مردفا: “أنا أقمت علاقة مع منة كتير، ويوم 22 مايو 2020، سحبتها على الفندق، عشان تقضي سهرة معانا، أنا وبيشوى وكلاشنكوف. وأنا فعلًا خدت منها 125 جنيه، وضربتها على وشها بالقلم”، متابعا: “أنا متعود أشتري حشيش مع بيشوي وأدفع فيه فلوس”.