إصابة البلوجر ميرنا عبد الوهاب بكورونا
أعلنت الإنفلونسرز والبلوجر المصرية ميرنا عبد الوهاب، عن إصابتها بفيروس كورونا، عبر حسابها الشخصي على موقع التواصل الاجتماعي “فيس بوك”.
نرشح لك: الغرف السياحية: ارتفاع سعر تحليل الـPCR أربك حركة السياحة
قالت ميرنا، في فيديو لا يتجاوز الدقيقة، نشرتها على حسابها، إنها تتبع إجراءات العزل المنزلي، مشيرة إلى أن بعض الأعراض ظهرت عليها بدون ارتفاع درجة حرارة، وهو الأمر الذي جعلها لا تظن أنها كورونا.
علقت على الفيديو، كاتبة: “عندي كورونا، الحمد لله على الابتلاء، بدأ يبقى عندي كحه شديده ولو اتكلمت كلمتين بس بدخل في نوبة كحة وضيق تنفع وأحيانا خوف بعياط من ضيق التنفس”.
أردفت: “أنا مش طالعة أشرح أنا فيا ايه أو عايزة الناس تقول ياعيني أو تطلعني تريند لأني مطلعتش وأنا في أشد الموجات، أنا طالعة عشان تعرفوا إن الكرونا مخلصتش وإن الحالات في تزايد”.
عندي كرونا ☺️الحمدلله علي الابتلاء ❤️انا كنت ناويه اصور كلام كتير جدا بس بعد الدقيقه دي مقدرتش اكمل لاني حرارتي ارتفعت و تعبت معرفتش اكمل و حاولت اصور تاني بس بدأ يبقي عندي كحه شديده و لو اتكلمت كلمتين بس بدخل ف نوبه كحه و ضيق تنفع و احيانا خوف بعياط من ضيق التنفس انا مش طالعه اشرح انا فيا ايه او عايزه الناس تقول ياعيني او تطلعني تريند لاني مطلعتش و انا ف اشد الموجات انا طلعت لما كنت شكلي افضل بس انا طالعه عشان تعرفو ان الكرونا مخلصتش و ان الحالات ف تزايد و اللي بيتكتب من وزاره الصحه كله كدب انا طبيعي بسبب شغلي و المستشفي متوقع لاي حد من اللي بيشتغلو ف المجال دا انه يتصاب بنسبه اكبر و متوقعه انه ممكن يرجع لاني هفضل شغاله ف المجال و الوقايه مش هتحميني لاني بخالط لكن باقي الناس ايييييه عذرك انك بتختلط بصوره كبيره منغير احتياطات الوقايه علي الاقل اعمل اللي عليك و خاف الموضوع مش سهل الاعراض هتخليك تحس ان دي النهايه و انك حرفيا هتموت و تبقي مش عارف هتشوف النور تاني و الناس ولا لا و بتبقي مقدر نعمه الشم و التدوق اللي مكنتش مهتم بيهم حتي النفس اللي داخل و خارج منغير وحع بتقدره الحمي و الحراره مميتين و خوفك علي اهلك لان جسمهم ضعيف ميتحملش اللي جسمك متحمله لانهم عندهم امراض مزمنه و عامل السن و المناعه عندهم اضعف ف مع قوه مناعتي و سني الصغير و اني كنت بتمتع بصحه جيده الي حد كبير دا اللي مخلي مناعتي بتقاوم بس الموضوع مميت و مناعتك ممكن متعرفش تخرجك منها. ف خااافو والله خافوو علي نفسكو و اهلكو هتشوفو نفسكو او اقرب حد ليكو بيموت بالبطئ و مش هيتدفن حتي زي باقي الناس لو مش عايز دا يحصل خد بالك و خد سبل الوقايه مبقولش اتحبس بس خد بالك و ربنا يعافينا جميعا
Geplaatst door Mirna Abdelwhab op Zondag 23 augustus 2020
ميرنا عبد الوهاب، طبيبة تحاليل ومغنية في الأوبرا، بالإضافة إلى كونها بلوجر على مواقع التواصل الاجتماعي، يتابع حسابها على “فيس بوك” أكثر من 44 ألف متابع.