الرئيس السيسي عن مخالفات البناء: لن أبيع الوهم
افتتح الرئيس عبد الفتاح السيسي، صباح اليوم السبت، عدد من المشروعات القومية الكبرى في محافظة إسكندرية.
نرشح لك: السيسي للمخالفين: “يارب تبقوا بتخافوا ربنا زينا”
قال الرئيس السيسي عن مخالفات البناء: “أنا هتكلم في كل حاجة تمس مصر ومستقبلها، ولن أبيع أبدا الوهم للناس تحت اعتبارات السياسة والحفاظ على الشعبية”.
أشار الرئيس إلى أن مصر تخطت أزمة اقتصادية عانى منها العالم، مردفا: “عملنا ده في الاقتصاد وربنا وفقنا وده كان الرصيد اللي عدينا بيه أزمة عانى منها العالم، كل عمل صالح بنعمله لأجل خاطر بلدنا وربنا حتى لو الناس مش راضية، هتتألموا مني؟ طيب أعمل إيه؟ مش عايزين تساعدونا ليه؟ ليه مصرين على مواقفكم؟”.
أردف: “بتحلموا ببلد كويسة ومترتبة ولا كل واحد عايز يعمل اللي عايزه؟ الموضوع مش مجرد بيت بيتهد.. إحنا محتاجين نوضح مدى التأثير الخطير على مصر نتيجة هذا التجاوز، نخاطب عقل الناس إن ده خطر كبير جدا على مستقبلها”.