أحمد موسى: "مفيش مواطن راضي عن أسعار تصالح المباني المخالفة"

هبة خالد

قال الإعلامي أحمد موسى، إنه لا يوجد مواطن راضٍ عن الأسعار التصالح للمباني المخالفة، موضحا: “أنا بقول الأمانة وقدام ربنا لأني لازم أقول الكلام الصح”.

نرشح لك: توجيهات رئاسية جديدة للحد من مخالفات البناء

كما انفعل “موسى” على الهواء خلال حلقة اليوم الثلاثاء، لبرنامج “على مسئوليتي”، الذي يقدمه عبر قناة “صدى البلد”، بسبب الأوراق المطلوبة للتصالح مع الدولة بخصوص مخالفات البناء، وعددهم 12 ورقة.

أردف: “الـ 12 دول المواطن هيجهزهم في قد إيه، وهيدفع فلوس قد إيه، وكل ورقة من دول عبارة عن فلوس طالعة، ولا لازم نفكر هنطلع عينه ازاي؟، ويعمل كل الورق دا ولا التسوية ويخلص”.

تابع: “حاجة واحدة تكفي مش الـ 12، وصل غاز ولا ماء أو البطاقة الشخصية توضح بيانات المواطنين، وعاوز رسوم هندسية، دا في قرى غير النجوع ما تعرفش يعني إيه مهندس وجايز 1% فقط اللي عاملين رسوم هندسية والـ 99% لا، واحنا عارفين بيوتنا في القرى اتبنت إزاي، ريح المواطن”.

من جانبه علق المهندس هاني ضاحي، نقيب المهندسين، ووزير النقل الأسبق، خلال مكالمة هاتفية بالبرنامح، قائلا: “أي مواطن هيدفع فلوس هيبقى مش مبسوط”.

أضاف أن مخالفي سكان 6 أكتوبر أو التجمع الخامس أو مناطق العمران الجديدة إن خالف وبنى طابق واحد بمساحة 200 أو 300 متر ودفع على المتر 2000 جنيه كقيمة للتصالح يكون الإجمالي 600 ألف جنيه إن كان الطابق المخالف 300 متر.

تابع أن شراءه شقة جديدة في نفس المنطقة يكلفه 2 أو 3 مليون جنيه، مؤكدا على أن أرقام مبالغ التصالح منطقية في بعض المناطق.