هاجر جميل إجازة أسبوع من "شارع مصر"

هبة خالد

أعلنت الإذاعية هاجر جميل، عن حصولها على إجازة الأسبوع المقبل من برنامج “شارع مصر”، على أن تكون العودة الأحد التالي منه.

كتبت “جميل” عبر حسابها الشخصي على موقع التواصل الاجتماعي “فيس بوك”: “دايما بيقولوا علشان تقدر تكمل لازم تفصل شوية، والحقيقة أن السنة دي على المستوى المهني بعيدا عن الشخصي كانت مليانة تفاصيل وأحداث”.

نرشح لك:بهاء سلطان: صفحتي بـ”فيس بوك” مهددة بالإغلاق بسبب نصر محروس

تابعت: “خلت الواحد يبقى ممتن للظروف اللي حطته في الوقت ده علشان يفكر ويذاكر ويشتغل على كل حاجة حصلت ويقدمها خلال برنامجه (شارع مصر) اللي بعتبره من أهم وأكتر محطات حياتي اللي فخورة بيها”.

أضافت: “واللي الحمد لله بيجيلي عليه ردود فعل تشجعني أكمل واشتغل أكتر وأجتهد علشان أجيب الأحسن طول الوقت.. الأسبوع الجاي هيكون البرنامج فيه إجازة وأنا أرتاح شوية وأرجع لكم الأحد اللي بعد الجاي بإذن الله بحاجات جديدة ومختلفة”.

يشار إلى أن هاجر جميل تقدم برنامج “شارع مصر” عبر إذاعة “شعبي إف إم”.