حمادة صميدة: ارحموني وكفاية تنمر
عمر دياب
شارك الفنان حمادة صميدة، متابعيه بعض المواقف والصعوبات التي مر بها خلال حياته، معبرا عن استيائه من حملة التنمر المستمرة التي يتعرض لها على مواقع التواصل الاجتماعي.
نشر “صميدة” عبر حسابه الشخصي على موقع تبادل الصور والفيديوهات “إنستجرام” صورة له برفقة ابنه فارس، وكتب: “أنا مريت بوجع وبظروف صعبة كتير بس أكتر لحظة وقف فيها قلبي ونزلت فيها دموعي لما ماتوا ولادي حمزة وياسين أول فرحة ليا في سن خمس شهور حسيت ساعتها أنا ومراتي إن دي النهاية خلاص والدنيا اسودت في وشي، ووجع ربنا ما يكتبه لحد، لكن رحمة ربنا أنه يرزقني بابني فارس اللي ماليش غيره في الدنيا وهو أغلى حاجة عندي وممكن أضحي بعمري عشانه”.
نرشح لك: مصمم بوستر”نمبر 2″: الصدام الفني بين “الفيشاوي” و”رمضان” ممتع
أضاف: “فكفايا تنمر كفايا سخرية كفايا شتيمة سيبوني أفرح بحاجة بحبها، ابني وشغلي دول حلم حياتي، لأن دول اللي فاضلين ليا في دنيتي بقى، أبوس إيديكم ارحموني لما تشوفوني بنزل صورة لابني فارس اللي فرحان بيه وطلعت بيه من الدنيا أنا ماليش في الدنيا غيره أنتم ما تعرفوش أنا جوايا إيه وظروفي إيه ومريت بأيام شكلها عامل إزاي، أنا عارف إن حمزة وياسين في الجنة وأنا مشتاق للجنه علشان أشوفهم”.
يشار إلى أن حمادة صميدة يشارك في فيلم “ثانية واحدة”، الذي يتم تصويره حاليا، والمنتظر عرضه قريبا في دور العرض السينمائي، وهو من تأليف مصطفى حمدي وإخراج أكرم فريد وإنتاج محمد السبكي، بطولة دينا الشربيني ومصطفى خاطر ومحمود حميدة وسوسن بدر.