منتجة فيلم “الخطة العايمة” ترد على اتهامات سرقة اسم الفيلم
دنيا شمعة
علقت المنتجة شهد رمزي، على أزمة اسم فيلم “الخطة العايمة”، مع الكاتب عمر طاهر، والذي كان يحمل اسم “الخطة العالمية” قبل تغييره.
قالت شهد عبر برنامج “ET بالعربي”: “مع احترامي لـ عمر طاهر ما حصلش بينا أي تلفونات أو أي حاجة، ولما عمر طاهر يشوف الفيلم هيعرف إننا ماخدناش اسم أي فيلم ومعملناش أي اقتباس، ومفيش فيلم لـ محمد هنيدي نزل بالاسم ده وإحنا سرقناه، وما كناش على علم ومش هو سبب تغيير اسم الفيلم، وهو كاتب يحترم”.
نرشح لك: تفاصيل إصابة أحمد السقا في “تيمور وشفيقة”
وعن قصة الفيلم، أضافت: “هي مهمة يدخل فيها الأبطال، بيسرقوا بنك وبيكونوا ما عندهمش الكفاءة إنهم يسرقوه، وغادة عادل هي اللي بتساعدهم على ده بالرغم إن هي طيبة جدا ومش مافيا ولا حاجة ويمكن مافيا مش هقول، وبشكرها على أخلاقها وجمالها في الفيلم وكل حاجة”.
كما أوضحت شهد بخصوص المخاطرة بعرض الفيلم خلال الفترة الحالية وأزمة كورونا: “من أيام أبويا وجدي حسن رمزي وإحنا بنفتح مواسم جديدة، والموزع الشاطر زي الأستاذ وائل عبدا لله منتج وموزع الفيلم، فهو لما فكرنا بعرض الفيلم اتفقنا إننا هننزل موسم جديد، والوضع ده مش مأثر علينا بشكل سلبي، وهو للصراحة مخاطرة وإن شاء الله يبقى لصالحنا”.
الجدير بالذكر أن فيلم “الخطة العايمة”، من إخراج معتز التوني وتأليف أحمد عبد الوهاب، وكريم سامي كيمز، وبطولة علي ربيع، محمد عبد الرحمن “توتة”، غادة عادل، عمرو عبد الجليل، ومن المقرر طرح الفيلم، بدور العرض يوم 6 أكتوبر في مصر والسعودية والإمارات والكويت والبحرين وسلطنة عمان والعراق.