أحمد موسى عن مروان محسن: "فك النحس خلاص"
أشاد الإعلامي أحمد موسى، بتألق مروان محسن، لاعب الفريق الأول لكرة القدم بالنادي الأهلي، مع فريقه في مباراة إنبي، التي تقام حاليًا على استاد الأهلي بمدينة السلام، بالدوري الممتاز، بعدما سجل اللاعب هدفين في الشوط الأول.
قال “موسى” في برنامج “على مسئوليتي” على قناة “صدى البلد”، مساء الأربعاء: “مروان محسن خلاص فك النحس وعملها بتسجيله هدفين في ربع ساعة، ده غير الجول الثاني مفيش أروع من كده وسجل الكورة بسم الله ما شاء الله لاعيب يا مروان”.
نرشح لك: والد مروان محسن: نجلي يمتلك أدوارًا أخرى غير تسجيل الأهداف
أضاف موسى: “الناس النهاردة مروان عامل لهم عمل وكله بيهتف باسمه، وعايز أقول إحنا لما بننتقد مروان من حبنا فيه وبنكون عايزينه يرجع لمستواه، وما ينفعش حد يكون في الأهلي وما يلعبش كويس”.
تابع “موسى” أن مروان محسن تألق بشكل لافت للأنظار اليوم، لذلك أوجه رسالة لكل الفرق القادمة سواء في إفريقيا أو الدوري وأقول لهم “احترسوا من مروان محسن وطالما مروان رجع يبقى كله يخاف”.