بمناسبة عيد ميلادها.. رسالة شيرين عبد الوهاب للجمهور

وجهت الفنانة شيرين عبد الوهاب، رسالة للجمهور عَبرت من خلالها عن سعادتها البالغة بكل المعايدات التي وصلتها بمناسبة عيد ميلادها.

نشرت “عبد الوهاب” الرسالة عبر حسابها الشخصي على موقع “تويتر” وجاء نصها كالآتي: “كل سنة وإنتم عيدي.. دعاء أمي ليا كان محبتكم، ورضا ربنا عليا محبة الناس، ديمها عليا يا رب! السنة دي أول مرة بيجي عليا يوم ميلادي وألاقي نفسي بضحك وسعيدة، كل سنة كان بيكون اليوم ده بالنسبالي يوم حساب أنا عملت إيه ومعملتش إيه وكان لازم أعمل إيه، لكن السنة دي حاسة إن فيه حاجة مختلفة وأهدافي اختلفت”.

نرشح لك: “صندوقي الأسود”.. رسالة منة شلبي لـ شيرين في عيد ميلادها

تابعت: “سعيدة وبضحك علشان ببص علي كل حاجة بإيجابية، زي إني الحمد لله على مدار ٢٠ سنة مقصرتش في شغلي وعملت شغلي بمنتهى الحب والحمد لله نجحت في كل حاجة عملتها وربنا كان توفيقه كبير، على المستوى الشخصي أنا سعيدة جداً بأحسن زوج في الدنيا لأنه جوزي وأخويا وصديقي وابني وسعيدة ببناتي وعيلتي ربنا يباركلي فيهم وكل جمهوري في الوطن العربي كله اللي بيخليني أحس إن كل البلاد بلدي”.

أضافت: “سعيدة بنجاحي ونجاح زمايلي وزميلاتي علشان احنا بنسعد الناس بشغلنا وأتمنى يبقوا بصحة كويسة وبشكر كل إنسان ساعدني في حياتي علشان أوصل للي أنا فيه دلوقتي”.

جدير بالذكر أنه تم تداول أنباء على لسان المنتج وليد منصور، عن مشاركة شيرين في فيلم باسم “السندريلا” وهو استعراضي غنائي، من تأليف أمير طعيمة وإخراج محمد شاكر خضير، ومن المقرر أن يبدأ التصوير في ديسمبر المقبل ومن المتوقع أن يتم طرحه في دور العرض في عام 2021، ويشارك في العمل بيومي فؤاد وعمرو عبد الجليل.

ولكن المؤلف والشاعر الغنائي أمير طعيمة، نفى ذلك في بيان عبر صفحته الرسمية، قال فيه: “توضيح هام، أنا مَش بكتب فيلم لشيرين اسمه سندريلا”.