"أنا مش هزعل منك".. تامر حسني يرد على "السقا"

رد الفنان تامر حسني، على تصريح الفنان أحمد السقا الذي عبر فيه عن استيائه من الفنان تامر حسني، بسبب أحد المشاهد في فيلم “الفلوس” الذي عرض في ديسمبر 2019، قائلا: “أنا زعلان من تامر حسني”.

قال تامر عبر خاصية “الاستوري” الخاصة بحسابه على موقع تبادل الصور والفيديوهات “إنستجرام”: “حبيبي وأخويا وصديق العمر ونجم الدنيا كلها أحمد السقا، كنت أتمنى أنك تكلمني بيني وبينك لو كنت زعلان من أي حاجة أو فاهم أي حاجه غلط، لأن الحاجات دي لا يمكن تفوتك”.

نرشح لك: أحمد السقا: أنا زعلان من تامر حسني

تابع: “وأنا كنت اتمنی مکتبش الكلام دا هنا بس عشان بعد كلامك في التلفزيون الجمهور الكريم بقى ليه حق أنه يفهم الصح، عشان أفكرك بس.. أنت كلمتني وقولتلي في خبر في موقع وعليه صورة افتراضية للفيلم وكاتبين أنك بطل في الفيلم وأنا رديت عليك أن دي اجتهادات صحفية والصورة من تصميم المحبين اللي أكيد فرحوا بالخبر أننا مع بعض، حتى انا مقولتش أن دي الشركة المنتجة لأنها شركة كبيرة ولا يمكن تعمل كده لإن الفيلم متباع للخارج والداخل باسم أخوك تامر حسني”.

أردف: “وأصلا أفیش الفيلم الرسمي نزل والناس كلها شافته وأنت مش فيه ولا فيه اسمك وكل الأبطال طالعين مرسومين معرفش زعلك من ایه الحقيقه كان ممكن تزعل لو الكلام دا نزل على صفحتي أو صفحة الشركة المنتجة”.

استكمل: “وأنا شرحتلك دا من سنة واتكلمنا بعدها مرتين، مرة عيدت عليك في عيد ميلادك والتانيه بخصوص برنامجك لو كنت لسه زعلان كنت هتقولي ساعتها، الفيلم بقاله سنه یا أحمد وأخيرا بقي مستحيل الشركة تروج وأنا أفوت أو أسمح باستخدام اسمك كبطل في الفيلم وأنت مش فيه لإن دا هيعود علينا كلنا بالضرر لإن الناس هتدخل الفيلم مش هيلاقوا الكلام دا فيبقي إحنا کدا بنضحك عالناس وضرینا الفيلم”.

أضاف: “ولاون أكيد يشرفني أن إحنا نمثل مع بعض بطولة مشتركة لأنك حبيبي بجد ونجم أنا بحبه من قلبي فعلا،، وبعدين يا حج أحمد لما أنا جيتلك مسلسلك حصل اجتهادات كتير من محبين الكرام شويه يقولوا المسلسل بطولتنا وشوية يقولوا لا دا ضيف شرف بس وأنت عارف أن عمري ما عملتها وطلعت ضيف شرف غير ليك”.

واصل: “دا أنت طلبتني أجي أصور الساعة 8 الصبح كنت عندك في نص ساعة عشان فكرة طلعت في دماغك فجأه وجيت لإنك غالي عندي أوي أوي فوق ما تتصور، و كنت بفرح باجتهادات محبينك ومحبيني حتى لو صورتي صغيرة أو كاتبين بطولة أو ضيف شرف كل دا مش فارق لإني جيت أخدم صديق عمري واتمنى أي كلام يصب في مصلحة مسلسل أخويا وينجح ويكسر یا أحمد وصديق عمر عشان كدا أنا اللي مش هزعل منك معلش طولت في الكلام لأن برضو زعلك يعز عليا الدنيا،، أنت حبيبي”.

كان “السقا” خلال لقائه مع الإعلامية وفاء الكيلاني، في أولى حلقات برنامج “السيرة” أمس الجمعة، أن “حسني” طلب منه المشاركة في إحدى مشاهد فيلم “الفلوس”، موضحا أن تامر ظهر معه في مسلسل “ولد الغلابة” كنوع من المجاملة ويقدر له ذلك.

أكد أنه قبل عرض الفيلم فوجئ بصورته متصدرة بوستر العمل بعد أن كتب عليه بطولة أحمد السقا، وهو الأمر الذي أحزنه، لأن الفيلم لم يكن من بطولته، ولم يظهر سوى في مشهد واحد فقط.

أشار إلى أنه عندما عاتب تامر حسني هاتفيا، فسر له الأمر أن البوستر من تصميم بعض المعجبين، ومرة أخرى برر ذلك أنه من الشركة المنتجة وليس له أي تدخل، قائلا: “هذا الأمر أثر على نفسيا وأثر على في شغلي”، لافتا إلى أنه يتوقع أن ما حدث لم يكن مقصودا من تامر حسني رغم أنه كان يستطيع أن يوقف ذلك.