بعد اعتذاره عن تصريحاته.. تامر حسني لـ أحمد السقا: انت حبيب قلبي
رد الفنان تامر حسني، على الرسالة التي اعتذر فيها الفنان أحمد السقا، على تصريحاته الأخيرة بشأن استيائه من الأول بسبب فيلم “الفلوس”.
نشر “حسني” من خلال خاصية القصص القصيرة عبر حسابه الشخصي على موقع “إنستجرام”، رسالة موجهة للسقا جاء نصها كالآتي: “حبيبي يا صاحبي حصل خير أنا عمري ما أزعل منك ولا أشك لحظة في جدعنتك مع الناس كلها، جايز كان في النص بينا ولاد حلال كتير.. أنت السقا حبيب قلبي وكدا الجمهور هيستنانا في الحفلة اللي جاية بجد، سخن صوتك واستعد للدويتو القادم يا أغلى وأنضف الناس”.
نرشح لك: بسبب تصريح “الزعل”.. أحمد السقا لـ تامر حسني: قد أكون أخطأت
يشار إلى أن تامر حسني، كان قد رد على تصريح “السقا” بالأمس عبر خاصية “الاستوري” الخاصة بحسابه على موقع تبادل الصور والفيديوهات “إنستجرام”: “حبيبي وأخويا وصديق العمر ونجم الدنيا كلها أحمد السقا، كنت أتمنى أنك تكلمني بيني وبينك لو كنت زعلان من أي حاجة أو فاهم أي حاجه غلط، لأن الحاجات دي لا يمكن تفوتك”.
تابع: “وأنا كنت اتمنی مکتبش الكلام دا هنا بس عشان بعد كلامك في التلفزيون الجمهور الكريم بقى ليه حق أنه يفهم الصح، عشان أفكرك بس.. أنت كلمتني وقولتلي في خبر في موقع وعليه صورة افتراضية للفيلم وكاتبين أنك بطل في الفيلم وأنا رديت عليك أن دي اجتهادات صحفية والصورة من تصميم المحبين اللي أكيد فرحوا بالخبر أننا مع بعض، حتى انا مقولتش أن دي الشركة المنتجة لأنها شركة كبيرة ولا يمكن تعمل كده لإن الفيلم متباع للخارج والداخل باسم أخوك تامر حسني”.
أردف: “وأصلا أفیش الفيلم الرسمي نزل والناس كلها شافته وأنت مش فيه ولا فيه اسمك وكل الأبطال طالعين مرسومين معرفش زعلك من ایه الحقيقه كان ممكن تزعل لو الكلام دا نزل على صفحتي أو صفحة الشركة المنتجة”.
فيما رد عليه السقا معتذرا عبر صفحته الرسمية على موقع “فيسبوك” كاتبًا: “رسالة إلى صديق عزيز، صديقي وأخي العزيز تامر حسني، أنت عارف اللي بيني وبينك، عيش وملح وحاجات كتير، قد أكون أخطأت إني اتكلمت في الموضوع على الهوا ولكن يعلم الله كم كنت مجروحا وكم كنت حزينا، مش هطول عليك أكتر من كده ولو أنا زعلت شوية وأنت شوية نبقى خالصين يا عم تامر حسني، احنا اللي بينا كتير ماتزعلش يا عم وحقك عليه، وميعادنا الحفله اللي جاية.. أحمد السقا”.