مجدي الهواري يحتفل بمرور عامين على تأسيس "كايرو شو"
هدير عبد المنعم
احتفل المنتج والمخرج مجدي الهواري، الشريك المؤسس لمسرح “كايرو شو Cairo show”، بمرور عامين على تأسيسه.
نشر “الهواري” عبر حسابه الشخصي على موقع تبادل الصور والفيديوهات إنستجرام، مجموعة صور لفنانين وإعلاميين من المسرح، خلال حفل الافتتاح، كاتبا: “سنتين النهاردة على افتتاح صرح cairo show، صور النهاردة بتاعة الافتتاح”.
نرشح لك: حفل مرتقب لسعد لمجرد في مصر يثير الجدل
تابع: “وبكرة وبعده صور التعب والمجهود والعروض والنجوم وأبطال الكواليس اللي اشتغلوا وتعبوا وقدموا كل غالي ونفيس لنا ولكل شركاء النجاح واللي بفضل الله من غيرهم ماكنتوش تبقوا فخورين أننا قدمنا حلمنا لحضراتكم ولمصر “.
أردف: “وللجمهور العظيم اللي ورانا على مدار سنتين نجاح وحب وإخلاص لحلم فنانين صدقوا واخلصوا وحبوا مشروعهم برجوع المسرح اللي يليق بمكانة فن وفنانين وجمهور مصر للعالم العربي كله”.
واصل: “في ناس اشتغلت من قلبها علشان الحلم يتحقق، آمنوا بالحلم ده اشكر نجوم وشركاء النجاح وجمهور Cairo Show على الثقة العظيمة واشكر ولادي علي دعمهم المستمر لي”.
أضاف: “وتحياتي لكل اللي شارك أو ساهم في نجاح هذا الصرح اللي بالطبع شهادتي فيه مجروحة، لكن النهاردة وبرأيكم ومجهودهم بقول إنه صرح اتولد عملاق بتوفيق من ربنا وبإخلاص العاملين فيه وليه، تحية لـ CairoShow في عيدها الثاني”.
اختتم: “وبإذن الله نوعدكم بمزيد من التعب ليكم وبيكم وعلشانكم جمهورنا العزيز، وبنجدد الثقة ومن مجموعة الفنانين هنا بنقولكم إحنا لسه معملناش حاجة، في كلام كتير هقوله من كواليس السنتين، انتظروني، كل سنة وإحنا مع بعض CairoShow”.
يذكر أن من أبرز المسرحيات التي أنتجها مسرح Cairo show، هي مسرحيات الملك لير و3 أيام في الساحل وعلاء الدين.