رانيا يوسف: "بصوم اتنين وخميس"
ذكرت الفنانة رانيا يوسف، أنها اعتادت على الصيام كل اثنين وخميس من كل أسبوع.
أوضحت رانيا خلال حلولها ضيفة على برنامج “مساء dmc”، مع الإعلامية إيمان الحصري، عبر شاشة “dmc”، إنها لا تفعل ذلك من أجل الدين فقط، بل للحفاظ على صحتها ورشاقتها أيضًا.
نرشح لك: رانيا يوسف: “بصحى من النوم بلاقي نفسي تريند”
قالت: “عشان أهتم برشاقتي بصوم اتنين وخميس كل أسبوع مش جانب ديني، بس جانب صحي كمان وبشرب مياه بليمون طول اليوم لأنه بينزل كل السموم على الكلى والكبد وبمشى كتير، وللاهتمام بالوجه بجيب مكسبات لون أحمر وزيوت جوز هند ولوز حلو جدًا للوجه وبلاشر طبيعي”.
تابعت: “طول عمري بحب الرياضة وأروح الجيم وامشي وبحافظ على جسمي على طول، ومحدش يعرف كنت بصور مسلسل وتعبت وخدت دواء تخنت من الدواء 10 كيلو وعملي مشاكل صحية كبيرة، كنت بموت بس لازم أنزل اشتغل لأني معنديش رفاهية إني تعبانة مش هقدر أنزل من المسئوليات اللي ورايا”.
في سياق آخر، أوضحت رانيا أنها لا تسعى خلف التريند، متابعة: “أنا بصحى من النوم بلاقي نفسي تريند، من غير ما أعمل أي حاجة، يعني مثلًا النهاردة صحيت لقيتهم منزلين صورة ليا من سنتين ومتصدرة التريند، فأنا مش عارفة التريند ده مبني على إيه”.
تابعت: ” “عمري ما قصدت إني ألفت النظر ولا أبقا تريند، بنتي هي اللي ماسكة السوشيال ميديا، وهي اللي بتختار الصور اللي عاوزاها وتعملها إيديت وتنزلها من غير ما ترجعلي”.
رانيا يوسف: أنا بصوم الإثنين والخميس دايما#مساء_dmc
Geplaatst door dmc TV op Zondag 18 oktober 2020