بسبب السوشيال ميديا.. إيمان رياض: قربنا نتجنن
شاركت الإعلامية إيمان رياض، الجمهور بمقطع فيديو طريف، وصفت من خلاله حالها أثناء تصفح مواقع التواصل الاجتماعي.
نشرت “رياض” الفيديو عبر حسابها الشخصي على موقع “إنستجرام”، وظهرت فيه وهي تبدل تعبيرات وجهها بشكل سريع، في إشارة منها إلى حال أغلب الناس أثناء قراءة المنشورات المتنوعة وراء بعضها البعض.
وعلقت كاتبة: “ده حالي وحال اللي زي لما بنتابع السوشيال ميديا والتنوع الرهيب في الأخبار من حزن لفرح لاندهاش لوجع قلب لضحك رهيب، قربنا نتجنن والله”.
نرشح لك: إيمان رياض مبررة ابتعادها عن السوشيال ميديا: مش طايقة صفحاتي
يشار إلى أن إيمان رياض، كانت قد بررت مؤخرًا، سبب ابتعادها عن مواقع التواصل الاجتماعي، لفترة كبيرة حيث نشرت عبر حسابها الشخصي على موقع “إنستجرام” صورة لها وعلقت كاتبة: “ربنا وحده اللي عالم أنا بجاهد نفسي إزاي إني أرجع تاني لحياتي الطبيعية معاكم على السوشيال ميديا، بشكر كل اللي بيسألوا عليا واللي بيشجعوني أرجع لكم تاني، وعلشان ما حدش يقلق أنا وأسرتي تمام الحمد لله بس من بعد رمضان وأنا مش طايقة أدخل على صفحاتي ولا قادرة أتواصل مع حد، حالة غريبة عمري ما مريت بيها قبل كدة، في الأول كنت مبسوطة جدا من التغيير ده وحالة السكون اللي كنت عايشاها أنا وأولادي فقط! بعد شوية وحشتوني وحشني إحساسي إني قادرة على العطاء، أقصد طبعا العطاء المعنوي سواء بالكلمة الطيبة أو النصيحة اللي من القلب، لكن حتى الآن بحس إني فعلا مش قادرة أكتب حاجة! ولا قادرة أتصور! ولا قادرة أتكلم مع حد!”.