20 تصريحا لـ يسرا.. أبرزها عن الحسد وعلاقتها بزوجها

حسام السكران

حلت الفنانة يسرا ضيفة على برنامج “It’s Showtime” مع الإعلامية مها الصغير، عبر شاشة “cbc”، مساء أمس الإثنين، وتحدثت خلال اللقاء عن العديد من الأمور عن حياتها الشخصية، وآرائها في بعض أفلامها التي حظيت على إعجاب الجمهور، بالإضافة إلى صحة خضوعها لعمليات تجميل من عدمه.

يعرض إعلام دوت كوم فيما يلي أبرز 20  تصريحا لـ يسرا خلال اللقاء:

نرشح لك: فيديو نادر.. موقف طريف لـ يسرا وسهير البابلي داخل مترو الأنفاق

1- مغيرتش ملامحي خالص لأن تغيير الشخصية واللعب فيها بيعمل انفصال بين الأشخاص.

2- عمليات التجميل أصبحت عادي بين الفتيات بس أنا بشوف اللعب الكتير في الوش وحش.

3- يوسف شاهين كان بيقولي بالرغم من أنك بتضحكي على طول إلا أن عينيكي حزينة دايما.

4- بالرغم من إني كنت بقدم أدوار شريرة أحيانا إلا أن الجمهور كان بيحب الدور ومبيزعلش مني.

5- كل دور شرير عملته في أفلامي أو مسلسلاتي كان شرير بس إنساني مش حبا في الشر.

6- ضربنا بعض أنا وأحمد زكي علقة جامدة في فيلم “نزوة” بسبب إني تعبت من الضرب منه بجد فضربته بجد.

7- أحمد زكي قعد يقولي آسف تاني يوم في التصوير هو والمخرج علي بدر خان لما شافوا نص ضهري وهو أزرق.

8- الست سمعة وسمعتها مهمة وسيرتها كمان مهمة.

9- بعد فيلم “عمارة يعقوبيان” اكتشفت إني بعرف أسامح وأغفر، واتعايش مع عيوب الآخرين.

10- بفتخر جدا بشغلانتي وبحبها لأنها عرفتني على العالم كله، وبقى في ناس لا شافوني ولا شوفتهم قاعدين يدعولي.

11- الشهرة ليها ضريبة، بس زي ما الفنان عايز ينجح جمهوره كمان ليه حق عليه طالما عايز ينجح في وسط ناس.

12- بحب ذكاء الجمهور جدا وبحترمه، الجمهور ذكي لو حد ضحك عليه شوية مش هيعرف يضحك عليه على طول.

13- حبيبي هو جوزي وهو اللي ساعدني على الخصوصية في حياتنا وهو اللي أصر على عدم الظهور الإعلامي وحابب ده.

14- جوزي مستحمل شغلي وطريقة حياتي ودي نعمة منه وثقة غير في نفسه، وده شيء بحبه وبحترمه فيه جدا.

15- بخاف جدا من الحسد لأنه مذكور في القرآن وعلشان كده حاطه خرزة زرقا على الإنستجرام.

16- حصلي مواقف كتير في الصيف بسبب الحسد، منهم واحدة كان ممكن اتكل فيها على الله.

17- بخاف من بكرة، إني أمرض أو اتبهدل واتخضيت في يوم إنهم افتكروا إني عندي مرض وحش لأني إنسانة وبكره المرض.

18- دور فاطمة كشري لم يعرض عليا ومفيش زي عبلة كامل يا جماعة.

19- ماليش في التخطيط وبحب كل حاجة تترتب من عند ربنا.

20- كلنا عندنا 100 وش ومفيش حد مابيخفش المرض بس هما بيحوروا شوية.