رسالة أسما شريف منير لـ زوجة أبيها
نشرت خبيرة التجميل أسما شريف منير، رسالة إلى زوجة والدها الفنان شريف منير، عبرت فيها عن حبها لها.
نشرت “منير” الرسالة مصحوبة بصورة لزوجة أبيها عبر حسابها الشخصي على موقع “انستجرام” وجاء نصها كالآتي: “الست الجميلة اللي في الصور دي هي (لورا) مرات أبويا.. إيه ده هو في مرات أب حلوة كده أومال فين الحوافر والعيون الشريرة، مش مرات أب؟ يبقى أكيد لازم تكون شريرة وبتعذب الولاد وبتشغلنا في البيت”.
نرشح لك: توكيل عام من أسما شريف منير لرجال مصر
واصلت: “ده اللي المجتمع والأفلام دايمًا بيصدروا بس الحقيقة إن الست دي من أطيب وأجمل وأجدع الستات اللي في الدنيا، عمري ما اتخنقنا يمكن اختلفنا مرة بس عمرها ما اتعدت على حقوقنا ولا التزامات أبويا لينا، أو اخواتي أو بناتي عشان هما صغنانين، هي عيلتي وحبيبتي”.
أردفت: “لما بزعل مع أبويا بتقف جنبي حتي لو هيتخانق معاها، أنا وهي أصلًا شخصيتنا قريبة من بعض بتفهمني وبتحس بيا، أنا عمري ما اتكلمت عنها عشان هي بعدت عن الأضواء من زمان، بس حسيت إني لازم أقولها إني بحبها وبحترمها وأديها حقها، وعشان أقول لأي ست لو أنتي مرات أب لأولاد لازم تتقي ربنا فيهم وصاحبيهم وحبيهم كأنهم ولادك وربنا هيجازيكي كل خير وجوزك هيشيلك في رأسه”.
اختتمت: “بحبك يا لولو أوي وربنا يخلينا لبعض كلنا ديمًا وشكرًا علي كل حاجه حلوه عملتيهالي.. آه وبالمناسبة هي بتعمل أفكار حلوة أوي على الإنستجرام تابعوه”.