تامر أمين: الحمد لله رانيا يوسف فستانها ببطانة السنة دي

قال الإعلامي تامر أمين إن مهرجان الجونة ولد كبيرًا، مضيفًا أنه رغم كونه في دورته الرابعة، إلا أنه في سنوات قليلة أصبح واحد من أهم المهرجانات في مصر والشرق الأوسط.

وأضاف خلال برنامج “أخر النهار” الذي يقدمه عبر شبكة تلفزيون “النهار”، “المهرجان كله تنافس على الجمال، اسبوع كامل من الجمعة اللي فاتت لحد الجمعة أو السبت الجاي ده اسبوع كل حاجة جميلة، كل واحد بيظهر أجمل ما فيه سواء بفستانه أو بدلته أو المهرجان اللي بيظهر البقعة السياحية الجميلة اللي أسمها الجونة”.

نرشح لك: 11 ملاحظة على حفل افتتاح مهرجان الجونة

وأكد أن الجونة يحظى يإقبال من النجوم المصريين، وكأنه تظاهرة فنية، وأوضح: “الجونة تحول بفضل الإدارة الناجحة إلى كرنفال، واللي يتفرج على المهرجان الاسبوع ده يحس أن مصر كده، خلونا نفرح”.

وأبدى أمين بعض الملاحظات على المهرجان، منها حضور زيدان كأول لاعب كرة يحضر مهرجان بصحبة زوجته، ويسير على “الريد كاربت”، خاصة أن من يدعى للمهرجان دائمًا يكون من السينمائيين والفنانين والمخرجين والممثلين، وحتى الصحفيين من النقاد السينمائيين.

وتابع: أول دورة رانيا يوسف تلبس فستان محدش اتكلم عليه.. ودي غريبة يا رانيا خلي بالك ده مؤشر خطر”، ده طول السنين اللي فاتت كانت بتعمل جدل لمدة شهر بسبب فستان الجونة، لكن المرة دي الفستان عدى والحمد لله الفستان كان له بطانة السنة دي.