حمل الحذاء لزوجته.. رد خضر محمد خضر على انتقادات صورته في الجونة

عمر دياب

رد المخرج خضر محمد خضر، زوج ياسمين أبو النجا، ابنة الفنانة نجلاء فتحي، على الانتقادات التي طالته بسبب صورته مع زوجته خلال فعاليات افتتاح مهرجان الجونة السينمائي الدولي، حيث كان يحمل حذاء زوجته.

نشر “خضر” عبر حسابه الشخصي على موقع التواصل الاجتماعي “فيس بوك” تدوينة كتب فيها: “الصورة ديه اتاخدت وإحنا مروحين الساعة ١:٣٠ صباحاً من حفل الافتتاح، مش وإحنا داخلين حفل الافتتاح أكيد مش هدخل حفلة شايل جزمة مراتي وماشي”.

نرشح لك: بعد رسالته لـ “ساويرس”.. أحمد فتحي في مهرجان الجونة لأول مرة

أضاف: “إحنا الدعوات بتاعتنا دعوات VIP مش دعوات مشاهير، فا ده أصلا ما بيدخلناش على السجادة الحمراء مع الفنانين، ده بيدخلنا من باب تاني جنبه ما فيهوش كاميرات كل ما هناك إن بعد 6 ساعات من الحفل، واحنا خارجين باب الخروج كان زحمة وكل الناس خارجه منه (فنانين وغير فنانين ومصورين وكاميرات فيديو)، ومراتي أكيد بعد 6 ساعات رجلها تعبت زي أي واحدة رجلها بتتعب في أي فرح، فقلعت الجزمة فـ من الطبيعي ومن الرجولة ومن الأدب إن أنا اللي أنزل أجيب الجزمة مش هخلي مراتي توطي وسط الناس أكيد وديه لا حاجة تعيبني ولا تقلل مني واحدة شايلة بيتي على راسها 15 سنة، مش هشيل جزمتها 15 دقيقة؟”.

تابع: “المهم ضربت بعيني لقيت ممر السجادة الحمراء مفتوح وفاضي قولت لها يلا نخرج من هنا أسرع، ولقينا المصور العزيز محمد حامد بيطلب مننا صورة فـ وقفنا 3 ثواني بالظبط، ابتسمنا وأخدنا الصورة وخلعنا، والراجل تفضل مشكورا وبعت لي الصورة على الفيسبوك وبصراحة الصورة لذيذة، ولما حطيتها عندي على الوول لقيتها بيتعمل لها شير روحت قافلها للأصدقاء فقط بس كدة”.