عمرو أديب: الكمامة كنز لا يفنى
عمر دياب
طالب الإعلامي عمرو أديب، المواطنين الالتزام بالإجراءات الاحترازية لتفادي فيروس كورونا، مضيفا: “هما شهرين ثلاثة والدنيا تتحسن ويبدء لقاح فاكسين في النزول”.
أضاف “أديب” خلال حلقة أمس الجمعة من برنامج “الحكاية” المذاع عبر شاشة “MBC مصر”: “أنا ملاحظ يا جماعة أن الناس شاريه دماغها أوي في مصر، البنوك، المحلات، المصالح الحكومية رجعنا تاني للكمامة اللي على الدقن، أنا معرفش الناس بتحافظ على دقنها من إيه؟”.
نرشح لك: هؤلاء الأطفال لن يرتدوا الكمامة بالمدارس
تابع: “إحنا مش في محل حلاقة لازم تقفل بوقك ومناخيرك، لأن الكمامة اللي على الدقن مالهاش أي معنى، خدوا بالكوا إحنا داخلين على منحنى صعب”.
استكمل: “أرجوكم خدوا بالكوا من نفسكم ومن عيالكم، معلش حظي أني جيت في الوقت الأسود ده، وأرجع تاني أقول اغسل إيدك، ونقدر بمية وصابون نحل الحكاية، عارف إنكم زهقتوا، بس بقينا نسمع عن بعض الأشخاص أصيبوا بالتلامس وليس التنفس”.
أكد “أديب” أن الكمامة كنز لا يفنى، قائلا: “الناس اللي بيقولوا مش مهتمين بيجلهم كورونا بس بيخبوا، هناك أشخاص عامة وشهيرة في مصر والعالم جالهم كورونا، فأي حد يقولك هو مش بيجي لأ بيجي، ويا ريت ننسى موضوع أنه مؤامرة أرمي الكلام ده، الوباء موجود”.