رسالة تامر أمين لـ أصحاب المدارس الخاصة
دنيا شمعة
علق الإعلامي تامر أمين، على قرار وزارة التربية والتعليم بنفي زيادة المصروفات الدراسية في المدارس الخاصة هذا العام، بأنه قرار صائب وحكيم ومناسب للتوقيت الحالي.
تابع “أمين” خلال حلقة أمس الأربعاء من برنامجه “آخر النهار”: “أنا قلقان بس من إن فيه كلمة في البيان مرتحتلهاش، كلمة طالبت دي حاسسها كلمة حنينة شوية.. كنت هرتاح وأطمن لو كانت استبدلت بكلمة ألزمت، الإلزام يعني قرار وقانون ومفيش إختيار ليهم، لو ده حصل يبقى ده إنجاز كبير للوزارة”.
نرشح لك: تامر أمين عن فيديو “إهانة القرآن”: “معلم بلطجي”
أضاف: “أنا عارف إن ده بيزنس بس ده مش بيرنس خاص لأ.. ده بيزنس تحت رقابة وإشراف الدولة، فرفقًا بالناس.. ومتلووش دراعهم في ولادهم”.
أردف: “فيه ناس خسرت أشغالها وحياتها.. فبلاش السكة دي وأساسًا مصاريف السنة إللي فاتت كان فيها زيادة وإنتو كسبانين منها، وربنا يحلل عليكم المكسب.. فخلوا بالكم من الناس”.