بسمة عن دورها في فيلم "ماكو": فكرت في الاعتذار عنه
دنيا شمعة
قالت الفنانة بسمة، إنها كانت تفكر جديًا في الانسحاب من فيلم “ماكو”، لكنها تراجعت عن قرارها في اللحظات الأخيرة.
تابعت “بسمة” خلال مكالمة هاتفية مع “et بالعربي”: “في الأول مكنتش مصدقة إن ممكن دة يحصل وإن أكيد الناس دي بتهزر.. بس لما دخلت جوا المشروع فعليًا.. ابتدا يبقى عندي إيمان بالمشروع مش مجرد حماس”.
نرشح لك: رد ريهام سعيد على متابعة وصفت أذنها بأنها كبيرة
أضافت: “كنت بفكر أعتذر عن العمل كل لحظة.. لما إدوني دفعة التعاقد.. خليتها ومقربتلهاش فوق الـ 6 شهور، لحد ماعملت أول بروڤة غطس ومقدرتش أتنفس بعد ثواني وطلعت قلتلهم مش هعمل الفيلم دة شوفولكم حد تاني، لحد ما المدرب جاب بنته الصغيرة قدامي وغطست من غير أي معدات.. فحطيت الموضوع في دماغي وبالتدريب ثقتي زادت”.
يذكر أن فيلم “ماكو” من بطولة كل من ناهد السباعي، نيكولا معوض، بسمة، منذر رياحنة، محمد مهران، سارة الشامى، ومن إخراج محمد هشام، وتدور الأحداث حول مجموعة من الأشخاص يقررون السفر لعمل فيلم تسجيلي عن السفينة التي غرقت في مياه البحر الأحمر، لتتوالى الأحداث مع عدد من المفاجأت والكوارث تحت الماء.