طارق العريان يحكي تفاصيل تجربته في "نمرة إتنين"
دنيا شمعة
قال المخرج طارق العريان، إن تجربته في إخراج أولى حلقات مسلسل “نمرة إتنين”، كانت مختلفة للغاية عن باقي أعماله.
تابع “العريان” خلال مكالمة هاتفية مع “ET بالعربي“: “التجربة في الأول خوفتني.. لأنه مش مجالي أولًا، وثانيًا لأنه مش عارف هتطلع حلوة ولا لأ، والقصة بتحكي إزاي اللي بعيد عنك بيجذبك.. وإزاي الحاجة البعيدة بتشدك”.
نرشح لك: نصيحة نجل أصالة لـ طارق العريان
أضاف: “الحلقة يمكن لمستنا لأنها حقيقية، لأن الصراع ما بين الإلتزام في علاقة وإنك تشوف حاجة تانية أحلى.. أكيد ممكن كتير من اللي هيتفرجوا على الحلقة يفتكر إنه لازم يحصل دربكة وانفصال.. بس إحنا قصدنا العكس إنه عادي نفضل مع بعض بس نحترم اختلاف بعض”.
أردف: “دور صبا مبارك هو اللي جديد ومختلف، وكمان أماكن التصوير والإكسسوارات واللبس بيعملوا حالة مختلفة”.
يذكر أن حلقة “الناحية التانية” من مسلسل “نمرة إتنين”، تدور أحداثها حول الخيانة الزوجية وعدم التفاهم بين الزوجين، وهي من بطولة عمرو يوسف وصبا مبارك ونهى عابدين، وسيناريو وحوار سماء عبد الخالق، وإخراج طارق العريان.