"كفاية هري وشتيمة".. لقاء الخميسي تدافع عن مهرجان الجونة

دنيا شمعة

دافعت الفنانة لقاء الخميسي، عن إدارة مهرجان الجونة السينمائي بعد الانتقادات التي وجهت له في الأيام الأخيرة، بسبب إصابة عدد من المشاهير بكورونا بعد عودتهم من المهرجان.

كتبت “الخميسي” عبر خاصية الاستوري الخاصة بحسابها على موقع تبادل الصور والفيديوهات “إنستجرام”: “عشان بس نبقى واضحين وعلى نور.. مهرجان الجونة كان منظم ومحدد، حالات الكورونا اللي ظهرت ملهاش دعوة بفعاليات المهرجان، ولا الأفلام ولا الندوات ولا ليها علاقة من قريب أو بعيد بالمهرجان، مش أي هري وخلاص”.

نرشح لك: ريم العدل تبرئ مهرجان الجونة من إصابات كورونا

أضافت: “كل حاجة كانت منظمة.. والكل بيدخل العروض بكمامة والندوات والفعاليات بكمامة، السجادة الحمرا اللي الناس مشيوا عليها مكانتش زحمة ولا كان الناس قريبة من بعضها”.

أردفت: “كفاية فتي وهري وشتيمة.. المهرجان عمل اللي عليه، وكان محافظ على القواعد والإجراءات الاحترازية.. وبعد كده الفعاليات اللي بعد المهرجان ملهاش دعوة بمهرجان الجونة، دي مسؤولية الأشخاص اللي اختارو يحضروها.. مسؤولية ذاتية”.

استكملت: “مش لازم نبقى متخصصين في تشوية أي حاجة حلوة بتتعمل في البلد، ارحمونا واسكتوا شوية.. وبلاش هري على الفنانين والمهرجانات.. لقد هرمنا”.

يشار إلى أن الدورة الرابعة من مهرجان الجونة أُقيمت في الفترة من 23 أكتوبر وحتى 31 أكتوبر الماضي، كأول دورة لمهرجان عربي تقام في ظل انتشار فيروس كورونا.