هنادي مهنى عن حضور المطربين الشعبيين زفافها: أنا اللي دعيتهم
هدير عبد المنعم
دافع الفنان أحمد خالد صالح وزوجته الفنانة هنادي مهنى عن المطربين الشعبيين عمر كمال وحسن شاكوش وحمو بيكا، وذلك بعد إصدار نقابة المهن الموسيقية بيانا تستنكر فيه حضورهم لحفل زفاف الثنائي، ورد الموسيقار هاني مهنى والد هنادي بأنه لم يدعوهم للحفل.
قال أحمد خالد صالح: “مفاجأة حلوة قوي وبسطونا وبجد شعللوها والناس كانت مبسوطة قوي بوجودهم، وبعيدا عن اللي حصل ده ميرسي إنكم جيتوا ونورتونا وأنتم شرفتونا بجد شكرا واتبسطنا، مع كل التقدير لأستاذ هاني شاكر ونقابة المهن الموسيقية بس ده موضوع مختلف يعني هما كانوا معازيم”.
نرشح لك: تفاصيل أزمة حفل زفاف هنادي مهنى ومطربي المهرجانات
أكدت هنادي مهنى: “بالظبط كده هما كانوا معازيم وكل الناس بتحبهم”.
أوضحت “مهنى” خلال مقطع فيديو عبر خاصية القصص القصيرة، عبر حسابها على موقع تبادل الصور والفيديوهات “إنستجرام”: “أنا اللي كلمت عمر كمال وعزمته هو وحسن شاكوش وحمو بيكا، علشان كلمتهم مردوش وهو قالي أنه هيجيبهم مفاجأة وهما محبوبين والناس بنتبسط لما يكونوا موجودين”.
واصلت: “أنا مبسوطة أوي أن هما جم وشرفونا وI’m a big fan للمزيكا بتاعتهم، وبابي مكنش يعرف أن هما جايين، وفكرة أن أنا بنت مهنى وبسمع الأغاني دي متخصش أي حد وأنا بحب أغانيهم جدا، وهما التلاتة ناجحين جدا والمنظم أحمد ياسين مالوش علاقة تماما أنا اللي كلمتهم وهو مكنش يعرف”.
يشار إلى أن نقابة المهن الموسيقية كانت قد أصدرت بيانا بشأن حضور الثلاثي حفل زفاف هنادي مهنى، ووجهت العتاب للموسيقار هاني مهنى، الذي قال إنه لم يدعوهم بل جاءوا عن طريق منظم الحفل، لكن أكد الثلاثي أن هنادي هي من وجهت لهم الدعوة.
View this post on Instagram
ربنا يسعدك ياهنادي انتي و احمد يارب الف مبروك واحنا اتشرفنا اننا جينالك ❤️