"اركن شهادتك واشتغل".. عمر كمال يرد على الانتقادات

عمر دياب

موجة من الانتقادات واجهها مغني المهرجات عمر كمال، بسبب صورة نشرها عبر صفحته على موقع التواصل الاجتماعي “فيس بوك”،تُظهر عدد من الجوائز التي حصل عليها من بينها درع اليوتيوب الذهبي.

علق عمر على الصورة كاتبا: “اركن شهادتك على جنب لو ربنا ما أذنش واشتغلت بيها.. وشمر واشتغل وحقق حلمك”.

نرشح لك: عمر كمال عن نجاح أغانيه: “البنات بتنجح”

متابعو عمر كمال، رفضوا وصفه للصورة، باعتباره يطالب الجمهور بعدم الاكتراث بالتعليم وأن النجاح حاليا ليس في العلم بل في الغناء والحفلات، ليرد كمال على هذه الانتقادات، كاتباً: “فيه رقم محطوط للحجوزات على الصفحة عشان الشغل والأفراح والحفلات من اكتر المكالمات اللي بتيجي عاوزين شغل ومفيش شغل عندكم عشان أحنا محتاجين شغل حاجة بتحسسنى بالحزن جدا لأنهم شباب ف سني”.

وتابع: “بحب بين كل فترة والتانية اكتب بوست للناس فيه تشجيع وأن خلى جواك إيمان بنفسك وأمل في ربنا وأن كل حاجة هاتتعدل، أنا شاب اخدت دبلوم صنايع وكملت دراسة مزيكا في معهد موسيقى العربية ولما طلعت ملقتش فرصة أغني في الطرق العادية زى قصور الثقافة و الأوبرا وكده”.

وأضاف: ” قررت اعتمد على نفسي واشتغل كل حاجة وحرفيا شمرت واشتغلت ومشيت في كل الطرق اللي توصلني لهدفي فا كتبت بوست من المنطلق ده اللي هوا شيل شهادتك على جمب لو مشتغلتش بيها وانزل و شمر وهات حلمك وهدفك وحققه وحطيت صورة لتكريمات وجوايز نتيجة لنجاحي في مجالي وطبعا قصدي أن كل واحد في مجاله يجتهد مش يسيب شهادته ويروح يغنى أكيد .. إيه الغلط في كده يا جماعة”.

كان “كمال” قد احتفل الشهر الماضي، بحصوله على درع اليوتيوب الذهبى، موجها الشكر لكل جمهوره ومتابعيه، حيث نشر “كمال” صورة عبر حسابه على إنستجرام وهو يحمل درع اليوتيوب الذهبى، وكتب على الصورة قائلا:” شكرا ليكم”.

ويأتى حصول عمر كمال على الدرع الذهبى بعد تقديمه العديد من أغانى المهرجانات على موقع يوتيوب خلال الفترة الماضية وتحقيقها ملايين المشاهدات.