شيرين ردًا على شائعات طلاقها: "حسام إنسان شريف جدا"
دنيا شمعة
ردت الفنانة شيرين عبد الوهاب على شائعات طلاقها من الفنان حسام حبيب، بسبب استغلاله لها ماديًا، بأنه ليس له أي علاقة بأي تعاملات مادية لها.
تابعت “شيرين” خلال مداخلة هاتفية مع برنامج “mbc trending”: “أنا وحسام حبينا بعض مش عشان أي حاجة.. حبينا بعض أنا وهو واتفقنا نراعي ربنا في كل حاجة بنعملها”.
نرشح لك: شيرين عبد الوهاب تحسم الجدل حول علاقتها بزوجها
أردفت: “ومفيش الكلام ده، حسام مالوش أي دعوة بيا ماديًا.. حسام فنيًا بيساعدني.. ممكن يلحن لي أو يوزع لي.. لكن أي حاجة ليها علاقة بالماديات فيه ناس مسؤولة عنها، وفيه ناس بتشتغل كده بس”.
أضافت: “حسام عمر ما كان فيه بيني وبينه توكيل رسمي، كل الكلام ده ظلم.. هو بعيد تمامًا عن كل اللي بيتقال”.
استكملت: “إحنا عايشين في مجتمع بيحب الثرثرة، أنا كنت فاكرة إن الناس بعد كورونا هتتغير للأحسن، هيبقوا عندهم وعي لكن للأسف.. الكورونا معلمتش الناس حاجة”.
أشارت: “لما أبقى تريند نمبر وان، والناس اللي مسؤولة عن السوشيال ميديا ميكلمونيش يعرفوني اللي بيحصل عشان أوضح، يعرفك إن خلاص مبقتش عارفة الضربة جاية منين، ومستشاري الفني السابق طلع واخد مني مبلغ كبير جدًا بطريقة غير شرعية، زي موضوع الضرايب.. يعني مش غيرة زي ما اتقال.. لأ ده جوزي ومن حقه يشوف مين واكل حقي”.
اختتمت: “أنا مش هرفع قضايا على حد.. بس بقولهم اتقوا ربنا في اللي انتوا بتكتبوه، حسام إنسان شريف جدًا.. أنا جوزي أنزه إنسان.. ولو مش شبهي مكنتش اتجوزته”.