بوسي عن علاقتها بوالدها: "عمري ما عرفت عنه حاجة"
دنيا شمعة
تحدثت الفنانة بوسي، عن الجدل المثار حول علاقتها بوالدها، بعد تصريحاته بأنها لا تريد إعطائه أي أموال لعلاجه.
قالت “بوسي” خلال حلولها ضيفة على برنامج “معكم منى الشاذلي”، مساء الخميس، مع الإعلامية منى الشاذلي عبر شاشة “cbc”: “حزنت لما الناس اتهمتني إني ابنة عاقة.. حطوا نفسكم مكاني أنا والدي ساب البيت، وأنا في بطن أمي، أنا اللي ربتني أمي وعيلتها”.
نرشح لك: سبب هروب بوسي خارج مصر
تابعت: “أبويا ده عمري ما عرفت عنه حاجة، كنت مجرد بشوفه في الشارع صدفة، مكنتش بعرف أناديله بابا”.
أضافت: “عمره ما طلب يشوفنا أنا وأخواتي ولو بالعافية، كنت بسمع إنه اتجوز كتير بعد أمي، و ليا أخ منه لو شوفته في الشارع مش هعرفه.. أنا عندي إخوات تانيين عمره ما صرف عليهم ولا جهز واحدة منهم، هما اللي كانوا بيصرفوا على نفسهم”.
استكملت: “أبويا قبل ما يطلع يتكلم في الإعلام بيومين، كان مكلمني وبعتله فلوس، أنا لو عاقة فعلًا مكنش هيبقى عندي 15 سنة، وأنا اللي أطلب من أمي أنزل أشتغل عشان أشيل الحمل من عليها، بس للأسف مهما قال عليا وكان جوايا نار.. مش هينفع أغلط فيه”.
يذكر أن آخر أعمال بوسي السينمائية، هو فيلم “عمر وسلوى” مع الفنان كريم محمود عبد العزيز.
