عاجل | رسالة تامر حسني لزوجته بسمة بوسيل
نشر الفنان تامر حسني، “ستوري” عبر حسابه الرسمي بموقع التواصل الاجتماعي “إنستجرام”، رسالة صلح لزوجته الفنانة المغربية بسمة بوسيل.
كتب “حسني”: بسمة حبيبتي .. للأسف انتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ نسوكي انك عرفتيني وأنا مشهور ودي طبيعة شغلي اللي عرفتيني وحبتيني بيها ، ازاي وصلوكي للزعل والبعد فترة، المهم أنا مش زعلان منك ولا يرضيني زعلك، انتي حبيبتي وأم ولادي.
نرشح لك: بفتوى ابن تيمية.. رانيا محمود ياسين تبرر ظهور والدتها قبل انتهاء “العِدة”
وتابع: أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير.. ليه لما أي حد بيزعل من حد بيطلع يكتب عليه في السوشيال ميديا.. طب حتى يكلمه الأول، ايه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة ما بينهم وياريتها مشكلة اصلًا.. ربنا جعل ما بينا مودة ورحمة عشان كدا، للأسف انتي عارفة ان في ناس في طبيعتهم حب خراب البيوت، ومش هنخلص منهم، بس انتي اللي هتخلصي من فكرة انك تسمعيهم، مع انك مكنتيش كدا.
وأضاف: ياريتك تركزي مع طاقة الناس اللي دعوا لنا ودعوا لاولادنا بكل خير، وفعلًا أنا بشكر كل الناس والفنانين اللي سعوا في الخير لينا.
وأستطرد: أنا واثق انك دلوقتي انك زعلانة انك كتبتي كدا.. هو تصرف متهور منك بس ولا يهمك مش عيب أن الإنسان يغلط ويتعلم وأنا ياما علمتك ولسه هعلمك.
واختتم رسالته قائلاً: كان نفسي الكلام ده يكون بينا لكن انتي اشركتي الجمهور الكريم فكان لازم أرد هنا، بينا حب غالي وحياة كريمة وأولادنا وبيتنا أغلى ما فيها .. ربنا يخلينا ليهم ويخليهم لينا يارب.. متهورة بس بحبك.
كانت الفنانة المغربية بسمة بوسيل، قد فاجئت الجميع بإعلان انفصالها عن تامر حسني، عبر “ستوري إنستجرام”، وسرعان ما حذفت منشورها.
وكتبت بسمة بوسيل، يوم الجمعة: “لكل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات، يا ريت تبطلوا تبعتولي أي حاجة عشان مش فارقلي أي صور”.
وأضافت: “أحب أعرفكوا إن إحنا بقالنا فترة منفصلين وبنحضر أوراق الطلاق، يا ريت تحترموا مشاعر كل واحد فينا وبطلوا على الأقل تبعتولي أي حاجة.. بالتوفيق”.
يشار إلى ان الفنان تامر حسني تزوج من الفنانة بسمة بوسيل، في 2012، وأنجب منها ابنتين، هما “تاليا وأمايا”، وولد أسمه ادم.
