شيما صابر عن رسالة تامر حسني لزوجته: بيعلم الرجالة
عمر دياب
علقت الإعلامية شيما صابر، على رسالة الصلح التي وجهها الفنان تامر حسني إلى زوجته الفنانة المغربية بسمة بوسيل عقب إعلانها الانفصال عنه خلال الأيام الماضية وتحضير أوراق الطلاق الرسمية.
كتبت “صابر” عبر حسابها الشخصي على موقع التدوينات القصيرة “تويتر”: “تامر حسني في طريقه احتوائه لزوجته ورده عليها بيعلم رجاله كتير أوي دروس متنتهيش من زمان وأنا بشوفه حقيقي مثال للشخص الذكي الناجح صاحب المواقف المدروسة تحية على إحساسه بالمسؤولية كونه شخص ملهم في هذا المجتمع”.
نرشح لك: تامر حسني لـ بسمة بوسيل: “متهورة بس بحبك”
يذكر أن تامر حسني كتب رسالة صلح لزوجته بسمة بوسيل عبر حسابه الشخصي على موقع تبادل الصور والفيديوهات “إنستجرام” جاء نصها كالآتي: “بسمة حبيبتي .. للأسف إنتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ نسوكي انك عرفتيني وأنا مشهور ودي طبيعة شغلي اللي عرفتيني وحبتيني بيها، إزاي وصلوكي للزعل والبعد فترة، المهم أنا مش زعلان منك ولا يرضيني زعلك، انتي حبيبتي وأم ولادي”.
تابع: “أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير.. ليه لما أي حد بيزعل من حد بيطلع يكتب عليه في السوشيال ميديا.. طب حتى يكلمه الأول، ايه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة ما بينهم وياريتها مشكلة اصلًا.. ربنا جعل ما بينا مودة ورحمة عشان كدا، للأسف انتي عارفة ان في ناس في طبيعتهم حب خراب البيوت، ومش هنخلص منهم، بس انتي اللي هتخلصي من فكرة انك تسمعيهم، مع انك مكنتيش كدا”.
أضاف: “يا ريتك تركزي مع طاقة الناس اللي دعوا لنا ودعوا لاولادنا بكل خير، وفعلًا أنا بشكر كل الناس والفنانين اللي سعوا في الخير لينا”.
استطرد: “أنا واثق انك دلوقتي انك زعلانة انك كتبتي كدا.. هو تصرف متهور منك بس ولا يهمك مش عيب أن الإنسان يغلط ويتعلم وأنا ياما علمتك ولسه هعلمك”.
اختتم رسالته قائلاً: “كان نفسي الكلام ده يكون بينا لكن انتي اشركتي الجمهور الكريم فكان لازم أرد هنا، بينا حب غالي وحياة كريمة وأولادنا وبيتنا أغلى ما فيها .. ربنا يخلينا ليهم ويخليهم لينا يارب.. متهورة بس بحبك”.
ومن جانبها اعتذرت “بوسيل” لزوجها تامر حسني، وذلك في أول رد فعل لها عقب رسالة الصلح قائلة: “فعلاً اتهورت، بس عشان بحبك.. sorry”.