مبروك عطية: "تفسير المنامات من أهم أسباب تخلف الأمة"
دنيا شمعة
قال الشيخ مبروك عطية، إنه لا يوجد علم يسمى علم تفسير الأحلام، وأنها مجرد أساليب لخداع البشر واستغلالهم.
تابع “مبروك” خلال لقائه مع برنامج “يحدث في مصر”، مساء الثلاثاء، مع الإعلامي شريف عامر، عبر شاشة “mbc مصر”: “مسألة المنامات دي من أهم أسباب تخلف الأمة النهارده، عاوزين نقول للناس يحرموا إيه يقولوه في هذا الوادي، عشان ده سمك لبن تمر من شبرا”.
نرشح لك: آمنة نصير: يجوز للمسلمة الزواج من غير المسلم
أردف: “هذا الدين لا تستقى أحكامه من المنامات، وهذا الدين يدعو إلى تفسير اليقظة وليس الأحلام”.
أردف: “الأنبياء لا كانوا بيشوفوا أحلام ولا منامات، الأنبياء منامهم نبوة ووحي.. فرؤياهم وحي من الله، مفيش حد يجي يضحك عليك ويقلك دي موهبة من الله وبتاع.. الكلام ده فتي، ده حلانجي عاوز يبيع الوهم للبني آدمين”.
استكمل: ” اللي يشوف خير ربنا بيبشره، واللي يشوف شر فربنا بيحذره، اللي عنده امتحان هيشوف اللجنة وهكذا، 99% مما نراه في المنام حديث نفس، فقبل ما تنام متنامش متنكد، وحديث النفس له علاج”.